Thursday, April 19, 2018

Flax Seeds Benefits In Urdu | Alsi Ke Fayde Istemal Ka Tarika

Flax Seeds In Urdu | Alsi Ke Fayde

Alsi ke fayde ya benefits of Flax Seeds jaaniye Urdu mein. Jaan kar aap hairan reh jayen ge. Jo log Alsi ko apni daily khurak ka hissa bana lete hein woh ziyada sehatmand hote hein. Iska istemal hazaro saal se kiya jaa raha hei. Zmana qadeem ki tibb ki kutub mein bhi iski shifa bakhsh qualities ka zikr milta hei.

Flax seeds (meaning in Urdu: Alsi ke beej) mein 30 se 40 % hissa tail ke ilawa Omega-3 fatty acid, Fiber aur protein khasi miqdar mein hotay hein. Jabke Vitamin B-1, B-2, Vitamin C, E, Carotene, Iron aur Zinc bhi paye jaate hein. Iske ilawa kuch miqdar mein Omega-6, Potassium, Phosphorus aur Calcium bhi maujood hote hein.

Alsi ki Taseer pehle darja mein Garam hoti hei. Iska Tail bhi istemal kiya jaata hei lekin Alsi ke beej istemal karna ziyada mufeed hein. Kiyuke yeh Tail jaldi kharab ho jaata hei isliye kam miqdar mein kharidye aur jaldi use kar lejiye. Iske ilawaa yeh bhi yaad rakhye ke is tail ko khana pakane keliye kabhi bhi use nahi karna chahiye.

Flax seeds benefits in Urdu, jaaniye Alsi ke Fayde


Alsi Cancer ko bardhne ya phailne se rokti hei. Is mein Ghair hal pazeer Raishe yani Phytoestrogens lignans bhi bhari miqdar mein hote hein. Yeh na sirf Jaraseem aur Virus ko door karte hein, balke Jism mein Rasoli yani Tumor bhi ban-ne nahi dete. Yeh Alsi ka aik bada benefit hei. Doctors ke khayal mein yeh Raishe Astrojen harmon ko Jism se nikal dete hein. Isi harmon ki waja se hi jism mein Tumors ki afzayish hoti hei. Yun jism mein Tumor nahi ban sakta aur agar pehle se Tumor mojood ho to woh bardhne nahi paata.


Alsi ya Flax seeds mein behtreen qism ka protein hota hei. Jo log kisi waja se Gosht ya Fish nahi kha sakte, woh Alsi ke beej kha liya karein. Is mein Omega-3 Fatty acid kaafi miqdar mein paya jaata hei. Yehi juz machli ke Tail mein bhi hota hei. Yeh khoon main thakke ban-ne se rokta hei. Cholesterol kam karta hei aur Dil aur Dimagh ki sehat keliye behtreen samjha jaata hei. Joro ke dard aur Dama ke marz mein bhi mufeed hei.

Flax seeds Diabetes yani Sugar ke marz mein bohat mufeed hein. Kiyuke yeh khoon mein shakar ki miqdar ko balance karne ki salahiyat rakhte hein.

Alsi mein maujood Fatty acids ghiza ke juzwe badan ban-ne ke amal ko taiz karte hein. Inki waja se jism mein se faaltu charbi ke pighalne mein madad milti hei. Jis se wazan kam hota hei.


Yeh Qabz mein bhi faydamand hei. Kiyuke Flax seeds mein bohat ziyada Raisha aur Qudrati Luab hota hei. Iske daily istemal se haazma to taqat milti hei.

Haamila aur doodh pilane waali khwateen agar rozana aik tea spoon Flax seeds oil yani Alsi ka Tail pee liya karein, to bache ka dimagh taiz ho jaata hei. Aur agar school jaane waale bache is Tail ke 5 drops rozana pee lein, to woh saans ki beemariyo se mehfooz rehte hein.

1 tola Alsi ke beej Paani mein josh de kar pees lein aur pee lein. Kuch din tak yeh amal karte rahein to Masana ki pathri nikal jaati hei.

Alsi ke istemal ka tarika


Alsi ke beej yani Flax seeds ka chilka kaafi sakht hota hei. Agar isko baghair chabaye kha liya jaye, to hamara haazma isko hazam nahi kar paata. Aur yeh saalim hi kharij ho jaata hei. Isliye inko use karne ka behtreen tarika yeh hei ke inko pees kar khaya jaye.


Aap Alsi khareed kar isko chhan kar aur saaf kar ke Fridge mein rakh dein. Rozana subha Khaali pait jitni zaroorat ho utni hi miqdar mein Flax seeds ko Grinder mein pees kar paani ke sath kha liya karein. Ya phir sirf aik hafte ki khurak ko pees kar air tight bottle mein daal kar fridge mein rakh lein.

Rozana aik chamach ka istemal kaafi hei. Aik hafte ke baad 2 chamach tak bardha dein. Istemal shuru karne ke 15 din ke baad se aapko is ke mufeed asraat mehsoos hone lagein ge. Lekin baaz logo ko 1 mahina bhi lag sakta hei. Lekin is amal ko jaari rakhna aapko bohat si beemariyo se bachaye rakhe ga.

Alsi ke fayde ya benefits of Flax seeds in Urdu jaan lene ke baad jab aap iska regular istemal karna shuru karo, to aik baat ka khas khayal rakhiye. Woh yeh ke aap ne apni daily routene se ziyada paani peena hei.

Flax Seeds In Urdu | Alsi Ke Fayde

Related Posts

3 Comments

July 18, 2019 at 4:56 PM delete

Harness k liye b alsi mufeed ha

Reply
avatar
July 16, 2023 at 7:33 PM delete


السی کے بارے میں اپنی تفصیلی معلومات کا اشتہار کرنے کے لئے آپ کا شکریہ! آپ نے السی کے بہترین فوائد پر مبنی بلاگ پوسٹ مہیا کی ہے۔ یہ بہترین خوراک ہے جو ہماری صحت کو بہت فوائد مند ثابت ہوسکتی ہے۔

میں السی کے امیگا-3 چربیوں کی قوت پر بہت پراسرار ہوں، جو ہڈیوں کے لئے بہترین ہوتی ہے۔ السی کے استعمال سے میں نے دیکھا ہے کہ ہڈیوں مضبوط ہوتی ہیں اور نتائج بہت بہتر ہوتے ہیں۔

میں السی میں موجود فائبر کی اہمیت کا بہت زیادہ قدر کرتی ہوں جو دل کی صحت کو بہتر بنانے میں مددگار ثابت ہوتا ہے۔ یہ خون کی روانی میں اضافہ کرتا ہے اور دل کی بیماریوں کے خطرے کو کم کرتا ہے۔

السی میں موجود فائبر کی بنا پر، یہ جسم کے میٹابولزم کو بہتر کرتی ہے اور ہضمیہ نظام کو صحتمند رکھتی ہے۔ یہ آپ کو مکمل محسوس کروانے میں مدد کرتی ہے اور وزن کم کرنے میں بھی مدد دیتی ہے۔

میں بہت خوشی سے جانتی ہوں کہ السی میں موجود امیگا-3 اور امیگا-6 چربیاں جلد کو صحتمند بنانے میں مدد کرتی ہیں۔ یہ جلد کو رطوبت دینے میں مددگار ہوتی ہیں اور خشکی سے بچاتی ہیں۔

دماغی صحت کو بہتر بنانے میں السی میں موجود امیگا-3 اور انٹی اوکسیڈنٹس کی قوت ثابت ہوتی ہے۔ یہ یاداشت کو بہتر بناتے ہیں اور دماغی کمزوری سے بچاتے ہیں۔

آپ کا بلاگ معلوماتی اور سمجھنے میں آسان تھا۔ السی کے انتہائی فوائد کی تشریف لانے کے لئے آپ کا بہت شکریہ! ہمیشہ اسی طرح علم و اطلاعات سے ہمیں آگاہ رکھیں

Reply
avatar