BMI Kya Hota Hai Aur Yeh Kaise Nikalte Hain?

Agar aap apni sehat ka khayal rakhte hain to yeh bhi jaaniye ke BMI kya hota hai? Aapka BMI score kitna hai aur aap yeh kaise nikal sakte hain? Achi sehat ko qayim rakhne ke liye yeh jaanna bohat ehem hai. Aaj ham aapko BMI nikalne ka bohat hi aasan tarika bataye ge.

BMI Kya Hota Hai Aur Yeh Kaise Nikalte Hain?

Agar aap apni sehat ka khayal rakhte hain to aapke liye yeh jaan lena bhi zaroori hai ke aapka BMI kiya hai. Apni sehat ko qayim rakhne aur motapay ya kamzori se bachne ke liye aik munasib diet plan tarteeb dena bohat zaroori hota hai. Aur yeh diet plan BMI maloom kiye baghair tarteeb dena mumkin nahi.

 

BMI ya Body mass Index darasal jismani charbi ya fats maloom karne ka aik paimana hai. Yeh baaligh mard o khwateen ke jismani wazan aur qad ki lambayi ki bunyad par maloom kiya jata hai.

 

Aur yeh maloom kiya jata hai ke aaya aik shakhs kamzori ya motapay ka shikar hai ya nahi. Kya us ka wazan normal hai ya mamool se kam ya ziyada hai. Yaa phir bohat ziyada hai yani woh Motape ka shikar hai.

 

Aik mufeed post: Potassium Ki Kami Se Kya Hota Hai?

 

BMI maloom karne ka sab se aasan formula aaj ham aapko batayen ge aur woh kuch yun hai:

 

BMI Formula

 

Wazan (kg) / Qad ki oonchayi (cm) / Qad ki oonchayi (cm) x 10,000

 

Yaani ke aap apne wazan ko Kilogram main maapiye aur apne qad ko Centimeters main naapiye. Uske baad wazan ko qad se taqseem kejiye. Aur jo haasil aaye usko dobara qad se taqseem kar dejiye. Ab jo haasil aaye usko das hazar se zarab de dejiye. Aur yun jo score haasil ho gaa wo aapka BMI ho ga.

 

Misal ke taur par agar Nasir ka wazan 55 KG hai aur uska qad 175 cm taweel hai to uska BMI aise maloom karain ge.

 

55 taqseem 175 = 0.314
0.314 taqseem 175= .00179
.00179 zarab 10000= 17.9

 

Yani ke nasir ka BMI score 17.9 hai.

 

Jab aap is formule se apna BMI maloom kar lain. To phir yeh jaan-ne ke liye ke aapka wazan mamool ke mutabiq hai ya nahi uske liye kya karna ho ga? Woh bhi ham aapko batate hain to suniye: 

 

Agar aapka BMI score 18.5 se kam aaye to iska matlab aapka wazan mamool se kam hai.

 

Agar BMI score 18.5 se le kar 24.9 tak aaye to aapka wazan normal hai.

 

Agar BMI score 25 se le kar 29.9 tak ho to aapka wazan mamool se ziyada hai. Aur aapko ehtiyat ki zaroorat hai.


Yeh bhi Padhiye: Pait Dard Ka Fori Ilaj

 

Aur agar aapka BMI 30 ya us se ziyada ho to yeh lamha e fikriya hai. Kyun ke aap motape ka shikar hain, aur aapko apna wazan kam karne ki ashad zaroorat hai.

 

Aik achi sehat mand zindagi guzarne keliye zaroori hai ke aap ka wazan mamool ke mutabiq ho. Aur iske liye aapko BMI maloom karna ho ga. Aur BMI score maloom karne keliye aap yeh formula zaroor istemal kejiye.

Potassium Ki Kami Se Kya Hota Hai? Alamat

Agar aap jan-na chahte hein ke Potassium ki kami se kya hota hai, to yeh post mukammal padhiye. Hamare jism mein maujood har khulye ko kaam karne keliye Potassium aur maadni namkiyaat ki aik khas miqdar ki zaroorat hoti hei. Agar yeh matlooba miqdar se kam milein to jism mein is maadni juz ki miqdar kam ho jaati hei.

 

Potassium Ki Kami Se Kya Hota Hai? Alamat Yeh Kyun Zaroori Hai

Duniya bhar mein beshumar log khasoosan khwateen har saal Potassium ki kami se paida hone wali beemariyo ki waja se halaak ho jaate hein. Yeh naa sirf hamare blood pressure aur dil ki dhadkan ko control mein rakhta hei, balke yeh hamare dil, dimagh aur pattho ko kaam karne mein bhi madad karta hei.


Janiye Potassium ki kami ki alamat


Jab hamare jism mein Potassium ka tanasub kam ho jaye to iski alamat mein jismani thakan, Pattho ki kamzori, hadiyo mein Calcium ki kami, Gurdo mein pathri, Pait mein sozish, ishaal ke khaatme mein taakheer aur Qabz ki shikayat shamil hein. Iske ilawa matli ki kaifiyat mehsoos hone lagti hai. Paseena ziyada aane lagta hei. In sab mein se koi aik alamat zahir ho sakti hei.


Jism mein Potassium ki kami se kya hota hei?


Jab jism mein is maadni juz ki kami ho jaye, to is se mundarja zail shikayaat paida ho sakti hein.


1- Jismani kamzori aur thakawat

Potassium ki badolat patthe apne munasib size mein rehte hein. Kami ki soorat mein pattho ki contraction mutasir hoti hei jo dard ka bayis banti hei.

 

Pattho ke andar aik khas qism ke khulye hote hein jo Dimagh ko signals send karte rehte hein. Potassium ke baghair yeh khulye sahi tareeqe se kaam nahi kar sakte. Jabke khurak se ghizayiat hasil karne ki salahiyat bhi kam ho jati hei. Jis se jism mein kamzori aur musalsal thakawat mehsoos hone lagti hei.

 

Agar aap poori neend lete hein aur phir bhi ziyada kaam kiye baghair thakawat mehsoos hoti hei, aur aksar barqarar rehti hei to iski bunyadi waja Potassium ki kami ho sakti hei.


2- High blood pressure ka masla

Potassium ke kam ho jaane se jism mein Sodium ki miqdar mein izafa ho jata hei. Aur khoon ki naaliyo par dabao badh jata hei. Jis se High blood pressure mein izafa ho jaata hei. Jiska dil par bura asar padta hei jo ke amraz-e-qalb ki waja bhi ban sakta hei.

 

Lehaza jab bhi aisi soorate haal ho jaye, to junk food aur dabba band ashiya se hamehsa parhaiz kejiye. Kyun ke in mein Sodium ki kaafi ziyada miqdar payi jaati hei.


Yeh bhi padhiye: Pregnancy me Anjeer khane ke fayde


3- Dil ki dhadkan mein adam tawazan

Potassium khoon ki sharyaano ko sahi tareeqe se kaam karne mein madad karta hei. Iski miqdar mein kami se dauran-e-khoon mutasir hota hei. Jabke yeh hamare dil ki dhadkan ko mutwazan rakhne mein bhi madad karta hei. Iski kami se dil ki dhadkan mein hone wali kami maut ka bayis bhi ban sakti hei.

 

Aksar logo mein kabhi kabhi dil ki dhadkan achanak taiz ya ahista ho jati hei. Agar chay is ka taaluq anxiety aur zehni dabao se hota hei. Lekin iski kuch aur wujuhaat bhi hoti hein. Jin mein se aik ehem waja Potassium ki kami bhi hei.


4- Zehni sehat ki kharabi

Potassium aik aisa madni juz hei jo jism ki naqlo harkat se mutalliqa signals dimagh ko muntaqil karta hei. Jab Potassium ki miqdar mein kami ho jati hei to yeh signals Dimagh tak nahi pohanch paate. Aur dimaghi tanao paida ho jata hei. Is dimaghi tanao ka direct asar hamari zehni sehat par padta hei. Aik research ke mutabiq Depression ke ziyada tar mareezo mein paotassium ki satah kam note ki gai hei.


5- Nizam-e-inhizam mein kharabi

Potassium haazme keliye bohat mufeed hei. Kyun ke yeh nizam-e-inhizam mein maujood khulyo ko dimagh ko signals send karne mein madad karta hei.

 

Potassium ke kam ho jaane se in signals mein bhi kami ho jati hei. Aur yun khurak hazam karne ke amal mein susti aa jati hei. Jis se pait aur Aanto ke pattho ka kaam mutasir hota hei. Aur haazma theek se kaam nahi kar pata. Jabke metabolism bhi kharab ho jata hei. Is waja se Qabz, Tezabiyat aur pait dard jese masayil paida ho jaate hein.


6- Hadiyo ke masayil

Potassium ki kami ki waja se hadiyo mein bhi dard mehsoos hone lagta hei. Yeh madni juz hadiyo ke darmiyan Uric acid jama hone se rokta hei. Jo ke Ganthia aur Osteoporosis ki waja hota hei.


7- Paresthesia

Is chemical ki kami jism mein larzish ka sabab bhi ban sakti hei. Is kefiyat ko Paresthesia kaha jata hei. Yeh shikayat hatho, baazuo aur pairo mein paida ho sakti hei.

 

Janiye Alsi ke fayde aur istemal karne ka tarika


8- Insulin ki miqdar mein kami

Aik research ke mutabiq Potassium ki kami se Insulin ki pedawar mein kami aa jati hei. Jiski waja se jism mein Sugar ki miqdar badhne lagti hei.


9- Saans ki tangi

Yeh chemical hamare Lungs ko phoolne aur sukadne ke signals send karne mein bhi madad karta hei. Lehaza iski kami se yeh signals bhi kamzor pad jate hein. Aur yun Lungs ke phoolne aur sukadne ka amal mutasir hota hei. Jis se saans lene mein mushkil hoti hei. Jabke saansein choti bhi ho sakti hein.


10- Mood ki tabdeeli

Is maadni juz ki kami mood ko tabdeel kar sakti hei. Jab bacho ka mood kharab ho to iski waja un mein Potassium ki kami bhi ho sakti hei.

Yeh thay woh sab masayil jo Potassium ke kam hone se hote hain. Lekin yeh bhi yaad rakhiye ke agar khoon mein Potassium ki miqdar bohat ziyada kam ho jaye to yeh medical emergency kehlati hei.

 

Is soorat mein heart attack ka bohat ziyada imkan hota hei. Iske ilawa Hypokalemia ka khatra bhi badh jaata hei. Lehaza agar aap sehatmand rehna chahte hein, to apni khurak mein Potassium ko bilkul bhi kam hone mat dejiye.


Potassium yomia kitni miqdar mein lena zaroori hei?


Zail mein har umar ke logo keliye Potassium ki yomia miqdar darj ki gai hei.


6 months tak ke bacho keliye           400 mg
7 se 12 months tak ke bacho keliye       860 mg
1 se 3 saal tak ke bacho keliye         2000 mg
4 se 8 saal tak ke bacho keliye         2300 mg
9 se 13 saal tak ke ladko keliye        2500 mg
9 se 13 saal tak ki ladkiyo keliye      2300 mg
14 se 18 saal tak ke ladko keliye      3000 mg
14 se 18 saal tak ki ladkiyo keliye    2300 mg
19 baras aur us se ziyada umar ke mardo keliye       3400 mg
19 baras aur us se ziyada umar ki khwateen keliye        2600 mg
Jabke pregnant khwateen keliye iski zaroorat        2600 se 2900 mg tak hoti hei.


Potassium se bharpoor ghizayen, yeh kin kin cheezon mein hota hai?


Ab baat karte hein un ghizao ki jin mein yeh wafir miqdar mein paya jaata hei. Hamare jism ko phalo aur sabziyo se Potassium hasil hota hei. Khas taur par Kela, Chuqandar ke pattay, Aalu, Shakar Qandi, Sangtra, Akhrot, Tamatar, Saag, Dahi, Doodh, Gosht (khasoosan Salmon fish) mein yeh wafir miqdar mein paaya jaata hei. Lehaza in ghizao ka istemal apna mamool bana lejiye.


Hamein umeed hei ke is mazmoon 'Potassium ki kami se kya hota hai' se aapko mufeed maloomat hasil hui hongi.

 

Potassium Ki Kami Se Kya Hota Hai?


Pait Dard Ka Fori Ilaj Gharelu Nuskhe

Pait Dard Ka Fori Ilaj | Pet Aur Gas Ke Liye Gharelu Nuskhe
Pait dard ka fori ilaj maloom karne keliye yeh post padhiye. Insha ALLAH aaj ke is article mein ham aapko Pait mein dard ke ilaj ke liye kuch aasan gharelu nuskhe batayen ge.
 
Pait ke dard ki bohat si wujuhaat ho sakti hein. Jin mein Mayde ya nizam-e-inhizam ki kharabi, khana theek tarah se hazam na hona, Qabz ya pakhana ka theek se na aana, gastric problem, hawa ka kharij na hona, junk food aur taiz mirch masalon waali ghiza ka ziyada istemal shamil hein.



Aksar log dard ko khatam karne ke liye angrezi adwiyat ka hi istemal karte hein. Lekin aap pait mein dard ka ilaj gharelu nuskho se bhi aasani se kar sakte hein. Aur aaj ham aapko is dard ka fori ilaj karne ke liye 7 aise hi gharelu nuskhe batayen ge. Yeh gharelu totkay insha ALLAH aapko pait ke dard ke fauri ilaj mein madad dein ge. In nuskho ya totko ke liye jo ashiya darkar hon gi, woh aam taur par aapko apne ghar ke kitchen se hi mil jayen gi.


Zaroor padhiye: Dengue bukhar ki alamat ilaj aur bachne ke tarike

 

Pait dard ka ilaj karne ke liye 7 aasan gharelu nuskhe


1- Pait dard ke fori ilaj keliye Shehed ka istemal behtreen hei. ALLAH taala Quran-e-paak mein irshad farmate hein: 

Is (Shehed) mein logon keliye shifa hei. Al Nahal 69. 

Aam taur par hakeem hazraat bhi pait ki beemariyo mein fori aaram ke liye Shehed ke sath Darchini ke istemal ko ahmiat dete hein. Aap Darchini ko grind ker ke rakh lejiye. Jab bhi kabhi pait mein dard ki shikayat ho, to aik chamach Shehed mein thoda sa darchini ka powder achi tarah se mix kar ke chaat lejiye. Insha ALLAH aap ko dard mein fori aaram aa jaye gaa. Is nuskhe ke baqayda istemal se gas ki purani shikayat bhi door ho jati hei.


2- Aik glass neem garam paani mein aik khane ka chamach Saib ka Sirka aur aik chamach Shehed mila kar pee lejiye. Insha ALLAh is se aapko pait ke dard mein fori aaram aa jaye ga.


3- 4 gram (yani taqreeban 1 chamach se zara kam) khushk Podina lejiye. Is mein aadha chamach Saunf aur aadha chamach Ajwain milaiye. Iske baad is mein aik chutki Kala Namak aur 2 ratti Hing mila dejiye. Ab in sab ajza ko grinder mein pees kar chooran bana lejiye. Is chooran ko garam pani ke sath istemal karne se insha ALLAH pait ke dard mein fori aaram aa jaye ga.


Janiye: Bawaseer ka ilaj or parhez


4- Aik chamach Ajwain aur 1.5 chamach zeera le kar grinder mein pees kar aik glass pani mein hal kar lejiye. Ab is mein aadhe Lemon ka rus aur aik chutki Kala Namak mila kar pee lejiye. Yeh nuskha pait ke dard ke ilawa badhazmi aur gas hone ki soorat mein bhi mufeed hei.


5- 2 daane Munakka ke le kar iske sath thodi si Hing mila kar khaiye. Is se bhi pait dard mein afaqa hota hei.

6- Lemon ka rus aur Adrak ka rus mix kar lejiye. Aur aik chamach ki miqdar le kar aahista aahista chaatne se bhi pait ka dard door karne mein madad milti hei.

7- Aadha chamach pisi hui Mulethi aur aik chamach pisi hui Saunf le kar aik glass paani mein mix kar ke pee lejiye. Yeh bhi pait dard ke liye aik kaar amad totka hei.

Yeh thay woh gharelu nuskhe jinko aap pait dard ka fori ilaj karne keliye istemal kar sakte hein. Agar aap koi aur aasan nuskha jaante hein, to brahe meherbani comment kar ke zaroor bataiye.


Pait Dard Ka Fori Ilaj | Pet Aur Gas Ke Liye Gharelu Nuskhe


Pregnancy Me Anjeer Khane Ke Fayde

Pregnancy me Anjeer khane ke fayde janne ke liye yeh article mukammal padhiye. Aaj ham aapko bataenge ke pregnant yani hamila khwateen ko kin wajuhaat ki bina per Anjeer khani chahiye. Aur pregnancy mein Anjeer khane ke kiya fawaid hein.
 

Pregnancy Me Anjeer Khane Ke Fayde

 
 
Agar aap janna chahte hain, ke kya pregnancy me anjeer khana sahi hei? ya Anjeer khane se pregnancy me kya hota hei? to yeh post aakhir tak padhiye.

Jaisa ke ham jaante hein, ke Anjeer zameen per paye jaane wale qadeem tareen phalon mein se ek hei. Aur khushk haalat mein saara saal dastyab hota hei. Yeh bohat si sehat bakhsh khasoosiat ka haamil hota hei. Anjeer ke fayde tafseel se janne ke liye aap hamari yeh post padh sakte hein.

Pyare dosto! pregnancy aik aisa marhala hota hei, jis mein khane peene main bohat ehtiat ki zaroorat hoti hei. Isi waja se pregnancy ke dauran khurak ka khasoosi taur par khayal rakhna parta hei.

Aksar khwateen ko yeh uljhan hoti hei ke kiya khaya jaye aur kiya nahi. Aik hamila aurat ko hamesha matwazan ghiza leni chahiye. Jabke junk food aur ghair sehat mand ashiya se bachna chahiye. Kyunke ghair sehat mand khurak paida hone wale bache keliye nuqsandeh bhi sabit ho sakti hei.


Pregnant khwateen ko zyada se zyada phal, sabziya aur khas taur par dry fruit ka istemal karna chahiye. Kyunke dry fruit bohat se khas ghizaiyat wale ajza se bharpoor hote hein.

Anjeer bhi aik aisa hi dry fruit hei, jisko pregnancy ke dauran khana faydamand hota hei. Aur aaj ham aapko batayen ge pregnancy mein 
Anjeer ke fayde.
 

Pregnancy me Anjeer khane ke 10 fayde


1- Anjeer mein baki phalon aur sabziyon ki nisbat zyada miqdar mein madaniyat aur vitamins paye jaate hein. Khas taur per Calcium, Potassium, Zinc aur Iron. Aur yehi ajza pregnancy ke dauran hamila khwateen keliye be Inteha zaruri samjhe jaate hein. Isi liye multi vitamin goliyon ki bajaye, Anjeer ka istemal zyada mufeed aur qudrati hei.

2- Anjeer mein bhari miqdar mein Potassium paya jata hei. Jo ke blood pressure ko control karne mein bohat madadgar hota hei. Isi vaja se yeh Preeclampsia se hamila khwateen ki hifazat karta hei. Pyare dosto, Preeclampsia ek khatarnak soorat-e-hal hoti hei, jo hamila khwateen mein blood pressure ke badh jaane ki vajah se paida ho sakti hei.

3- Anjeer mein payi jaane wali madaniyat ki khasusiyat insani doodh se bohat milti julti hoti hein.

Aik aur mufeed mazmoon: Akhrot benefits ya khane ke fayde

4- Anjeer mein baki phalon ki nisbat bhari miqdar mein halpazeer aur ghair halpazeer dono tarah ka fibre yani raisha paya jata hei. Isi waja se Anjeer Qabz paida nahin hone deta. Kyunke pregnancy ke dauran aksar khawateen ko Qabz ki shikayat ho jaati hei. Lehaza, Anjeer khane se Qabz se bachao mumkin ho jata hei.

5- Anjeer mein ek aisa enzyme paya jata hei, jo ke nizam-e-Inhizam mein bohat madad karta hei. Kyunke pregnancy ke dauran nizam-e-inhizam qudrati taur par sust pad jata hei. Is vajah se pregnancy ke dauran Anjeer khane se nizam-e-inhizam drust kaam karta rehta hei.

6- Anjeer mein Vitamin B6 bhi kaafi midqar mein paya jata hei. Yeh aik aisa juz hei, jo subha jaagne ke baad paida hone waali kamzori ko door karne ke liye behad mufeed samjha jata hei. Lehaza, pregnancy mein Anjeer khane se iski munasib miqdar mein frahmi jaari rehti hei. Jo pregnancy mein bohat fayda mand sabit hoti hei.

7- Anjeer Omega-3 fatty acids ke hasool ka bhi aik ehem zariya hei. Yeh aik aisa juz hei jo paida hone wale bache ki behtreen nasho numa ke liye nehayat ehmiyat rakhta hei. Agar pregnancy ke dauran jism ko munasib miqdar mein Omega-3 haasil hota rahe, to is se waqt se pehle delivery hone ka khatra bohat kam ho jaata hei.

8- Pregnancy ke dauran ya pregnancy ke baad khwateen ko osteoporosis ka khatra ho sakta hei. Yeh aik hadiyo ki beemari hoti hei, jis ki waja se hadiyan naazuk aur bhurbhuri ho jaati hein. Yeh kefiyat jism ke andar hormones mein tabdeeliyo ki waja se ya phir Calcium ya Vitamin D ki kami ki waja se ho sakti hei. Aisi soorat-e-haal se bachne ke liye Anjeer ka khana behad mufeed hota hei. Kyunke yeh Calcium se bharpoor hota hei.


9- Hamal ke dauran jism mein khoon ki kami ho sakti hei. Aur khoon ki kami ko door karne ke liye Iron ki zarurat hoti hei. Jab ke Anjeer mein Iron ki wafar miqdar payi jaati hei. Lehaza, pregnancy ke dauran khoon ki kami se bachne ke liye Anjeer ka istemal kiya ja sakta hei. Iske ilava Anjeer mein aise ajza bhi paye jaate hein, jo jism mein Iron ko jazab karne mein madad karte hein.

10- Dauran-e-hamal kuchh khwateen ko gestational diabetes yani hamal ki Ziabetus ki shikayat ho sakti hei. Yeh ek aisi halat hoti hei jis mein haamila khwateen ke khoon mein sugar ki satah badh jaati hei aur pedaish ke bad theek ho jaati hei.

Is vaja se pregnancy ke dauran aise phal khane chahiye jin mein glycemic index kam ho. Glycemic index darasal ek number hota hei jis se hamen yeh andaza hota hei, ke khane ki kin ashiya se khoon mein glucose ki satah mein kitni ahista ya kitni tez izafa hota hei.

Is maamle mein Anjeer ek aisa phal hei jis mein kam miqdar mein glycemic index paya jata hei. Isi vaja se yeh khoon mein sugar ki satah mein izafa nahin karta. Lehaza, pregnancy ke dauran iska istemal bohat mufeed hota hei.
 

Yaad rakhne waali baat


Pyare dosto, aap ne dekha ke pregnancy me Anjeer khane se jism ko kiya fawaid haasil ho sakte hein. Lekin yaad rakhiye, ke pregnancy ke dauran Anjeer ka istemal aitdaal ke sath aik had ke andar reh kar karna chahiye.

Kyunke yeh aik madniyat se bharpoor phal hei. Isi liye ziyada miqdar mein iska khana jism keliye nuqsandeh bhi sabit ho sakta hei. Zyada khane se aapke jism mein kisi maadni juz ki ziyadti bhi ho sakti hei. Iske ilawa iski taseer garm bhi hoti hei.

Lehaza, pregnancy mein Anjeer zaroor khaiye, magar apne doctor ke mashware se. Aik doctor hi aapke jism ki soorat-e-haal ke mutabiq aapko iske khane ki drust miqdar bata sakta hei.

Ummeed hei ke aapko yeh post, pregnancy me Anjeer khane ke fayde se mufeed maloomat haasil hui hon gi.

Pregnancy Me Anjeer Khane Ke Fayde

Charmagaz Benefits Char Magaz Ke Fayde

Charmagaz Benefits Ya Char Magaz Ke Fayde in Urdu
Charmagaz benefits ya Char Magaz ke fayde maloom karne ke liye yeh mazmoon mukammal parhiye. Charmagaz darasal char qisam ke phalo ke beej ki giri ya magaz hote hain. Jab log bazar se inko khareedne jate hain to aksar dukandar unko aik hi qisam ke magaz de dete hain. Haala ke asal main Charmagaz ke ajza yeh hain.

  1. Kharbooza ke beejo ke magaz ya giri
  2. Tarbooz ke beejo ki giri
  3. Kaddu ke beejo ki giri
  4. Kheera ke beejo ki giri

Jab bhi aapko inki zaroorat ho to in charo qisam ke magaz ko alag alag hamwazan khareed kar mila liya kejiye. Inke istemal ka acha tareeqa yeh hai, ke in charo magaziyat ko hamwazan miqdar main lekar grinder main pees kar rakh lejiye. Aur subha shaam aik aik chammach Doodh ke sath lejiye.


Charmagaz benefits ya Char Magaz ke fayde in roman Urdu Hindi


Char Magaz ALLAH paak ki aik aisi nemat hai, jo jism ke andar se garmi ke sath sath khushki ka bhi khatma karti hai.

Dimaghi kamzori ke mareez aur woh log jinko bhoolne ka marz ho, unke liye behtreen dawa hain. Dimagh ko taqat war banate hain. Sabaq yaad karne waale talba o talibaat, ya Quran e pak hifz karne wale logo ko iske istemal se bohat fayda hota hai. Aise log subah o shaam aik chammach Charmagaz ka powder Doodh ke sath khana apna mamool bana lain. Aur kuch arse baad iska kamal dekhain.


Charmagaz jild ki khushki ko khatam kar ke chehre ki ronaq ko bahaal karte hain. Jin khwateen ke face par chhaiyan hon, agr woh bhi inka istemal rozana karain to unka chehra saaf ho jaey ga.

Sheer khwar bacho ko Doodh pilane wali khwateen ko aksar Doodh kam aane ki shikayat ho jati hai. Aisi khwateen bhi agar subah o sham Charmagaz pees kar Doodh ke sath istemal kiya karain to insha ALLAH unke Doodh main izafa ho jae ga. Iske ilawa paida hone wale bache ka dimagh bhi taiz ho ga.

Nazar ki kamzori door karne ke liye Char Magaz ka istemal Badam aur Saunf ke sath kiya jaa sakta hai. Is maqsad ke liye 100 gram Badam aur 30 gram Saunf le kar inko grinder main pees kar rakh lain. Rozana raat ko sone se pehle iska aadha chammach le kar iske sath aadha chammach Charmagaz ka powder mila kar Doodh ke sath istemal karain. Is nuskhe ke baqayda istemal se insha ALLAH nazar ki kamzori door ho jaey gi.


Dil ki kamzori door karne ke liye bhi subah o shaam Char Magaz ka istemal bohat mufeed hai.

Yeh na sirf Jigar ki garmi khatam karte hain, balke Mayde ki garmi aur khushki ko khatam karne main bhi Charmagaz madad karte hain.

Pathon ki kamzori aur khichao door karne ke liye bhi Charmagaz ka safoof Doodh ke sath subah o sham istemal karna bohat mufeed hai.

Hamain umeed hai ke Charmagaz benefits ya Char Magaz ke fayde ka yeh mazmoon aapko pasand aaya ho ga.

Charmagaz Benefits Ya Char Magaz Ke Fayde in Urdu

Dahi Ke Fayde In Urdu Hindi (Yogurt Benefits)


Dahi Ke Fayde (Yogurt Benefits In Urdu Hindi)
Kya aap Dahi ke fayde jan-na chahte hain? To yeh post mukammal padhiye. Pakistan aur India mein Dahi ka bahut zyada istemal kiya jata hai. Aik andaze ke mutabiq Pakistan aur India mein doodh ki kul pedawar ka aadha hissa Dahi mein tabdeel kar diya jata hai.

Dahi aik aisi ghiza hai jo na sirf istemal karne mein saada hai, balke yeh zyada mehnga bhi nahin hota. Yeh har jagah aasani se dastiyab hota hai.  Kam Calories wali yeh ghiza din ya raat kisi bhi waqt khai jaa sakti hai. Ise aap saada aur khaalis shakal mein bhi kha sakte hain. Iske ilawa mukhtlif sabziyon ya phalon ke saath milakar bhi istemal kar sakte hain.

Yeh aik behtreen ghiza hai jo mayde aur aanton ke marizon ke liye bahut mufeed hai. Mayde ki tezabiat ko door karne ke ilawa jism ki garmi aur sozish ko bhi khatam karta hai.

Dahi (Yogurt) ki ghizaiyat

Aik piyali Dahi yani takriban 250 gram miqdar main 370 milligram Calcium paya jata hai. Jabke isi miqdar main Doodh ke andar 300 milligram Calcium hota hai. Baaligh afraad ko rozana itni miqdar mein Calcium zaroor istemal karna chahiye. 1 cup Yogurt mein 8 gram Protein bhi payi jaati hai. Vitamin B complex ke hasool ke liye bhi Dahi aik behtreen zariya hai. Iske ilawa is main Potassium, Magnesium, Phosphorus aur Zinc bhi paye jate hain.


Tajarbat se sabit hua hai ki aik pao Dahi aadha kilo gosht ke barabar taqat rakhta hai. Kamzor logon ko Dahi ka istemal zaroor karna chahiye. Aur ismein ahista ahista izafa karna chahiye. Ba qaydgi se Dahi istemal karne se jild aur aasab ko sehatmand ajza ki farahmi musalsal jaari rehti hai. Yeh jild ko dhoop ke muzir asraat se bacha kar iski chamak aur mulaymat ko badhata hai.

Dahi khane ke fayde in Urdu Hindi


Dahi khane ke fayde beshumar hain. Yeh ghizai zaruriyat puri karne ke ilawa chehre ki dilkashi badhane mein bhi madadgar hai. American journal of clinical nutrition main 2000 main shaaya hone waali aik report ke mutabik, Dahi jism ke mudafiati nizam ki karkrdgi ko badhane ki salahiyat rakhta hai.

Researches se yeh sabit ho chuka hai ke Dahi sirf khano ki lazzat badhane ke hi kaam nahin aata. Balke ismein chand mufeed bacteria bhi paye jaate hain. Yeh nanhe munne ladne waale bacteria hain jo aapke badan mein bimariyon ke khilaf ladte hain. Hamari aanton mein bohat se mufeed bacteria paye jaate hain. Doodh ke mufeed bacteria Dahi banate hain. Jab Ke Dahi mein maujood ladaaka bacteria to intehai mufeed hain.

Agar aap Vitamin B ki goliyan kharidna chahte hain to ruk jaaiye. Aap paise kharch kiye bagair bhi inse mustafeed ho sakte hain. Bus iske liye aapko rozana Yogurt ko apni ghiza ka hissa banana hoga. Dahi khane ke bad jab aanto mein pohanchta hai to ismein maujud mufeed bacteria Vitamin B complex banate hain. Iske ilawa yeh jism ko Lactic acid bhi mohayya karta hai. Jabke yeh Protein, Calcium aur Iron ke hazam hone ke amal ko bhi tez karta hai.

Antibiotic adwiyaat ka nemul badal


Baaz oqat kisi bimari ke natije mein antibiotic adwiyat ke istemal se jism ka nizam e inhazam bohat mutasir hota hai. Antibiotic adwiyaat mayde mein pohanch kar apna asar dikhati hain. Inki waja se aanton mein paye jaane wale nuksandeh bacteria ke saath saath mufeed bacteria bhi khatm ho jaate hain. Is tarah mayda aur aanton ke nizam ka qudrati tawazan mutasir hota hai.


Agar aisi surat mein Dahi ko baqaydgi se istemal kiya jaye, to usse haazme ki taqat bhi bahal ho jaati hai. Jabke yeh mufeed bacteria ki nasho numa main bhi madad karta hai.

Baaz oqat jab nuqsandeh bacteria aanton mein badh jaate hain to Cancer ka khatra aur zehreelay maade bhi usi hisab se badhne lagte hain. Aisi surat mein Dahi ka istemal masle ka hal sabit hota hai. Dahi nuksandeh bacteria ko maarne ki salahiyat rakhta hai.

Khwateen ke liye aik behtreen ghiza


Dahi khawateen ke liye bohat mufeed sabit ho sakta hai. Yeh bacha daani tak jaane waali naali mein kharabi ko door karta hai aur toleedi aaza ke nizam ko sahi rakhta hai. Aam taur per dauran e hamal mufeed bacteria kaam karna chhod dete hain. Jis ke bayis peshab ke sath jalan aur safed mawad ki shikayat bhi ho sakti hai.

Haamila khwateen, birth control ki goliyan lene wali auraten jinko sugar bhi ho, in khwateen mein infection hone ke imkaan zyada paye jaate hain. Agar kisi khatoon ko yeh marz lahaq ho jaye, to unko apni ghiza mein sirf Dahi ka istemal badha dena chahiye. Kyunke jism mein jo mufeed bacteria maujood hote hain, agar un ki kami ho jaye, to khwateen ke androoni nizam mein yeh infection ho jaata hai. Jab ke Dahi mein is bacteria ki wafar miqdar payi jati hai. Lehaza is infection mein mubtila aurton ko Dahi ka istemal lazmi karna chahiye.


Asia ki khwateen mein Osteoporosis ka marz bohat aam paya jaata hai. Yeh aik mohlik bimari hai. Is marz se nijat ke liye Calcium ke supplement diye jaate hain. Lekin agar masnui tareekon se Calcium hasil karne ki bajaye Calcium ke qudrati zakheere yani Dahi ka istemal kiya jaye to bohat munasib hai.

Dahi (Yogurt) ke kuch mazeed fawaid


Mashriqi mumalik mein Allopathy aur Homeopathy donon tarah ke tariqa ilaaj mein Diarrhoea ke marizon ko Dahi khane ka mashwara diya jata hai.

Dahi khana neend ki kami ka aik achcha ilaaj hai. Be khwabi ke mareez agar zyada miqdar mein Dahi kha liya karen, aur sar par is ki maalish bhi kar liya karen, to unki yeh shikayat jald hi door ho jayegi.

Dahi aik kam calories wali ghiza hai. Lekin agar aap apna zayiqa badhane ke liye flavour wali Dahi ka istemal karte hain to yaad rakhen, is se calories ki miqdar bahut zyada badh jaati hai. Aap yun samajh lain ke agar saada Dahi mein 7 khane ke chammach cheeni mila di jaye, to us se  jitni calories badhti hain, usse bhi zyada calories flavoured Dahi mein payi jaati hain.


Lehaza zaruri hai ke flavoured Dahi ke bajaye saada hi istemal kiya jaye. Iske bajaye yea kiya ja sakta hai ke saada Dahi mein aap apni pasand ke phal baaeek kaat kar ya grinder mein pees kar mila dain. Aur phir istemal karen. Is tarah yeh Calcium, Vitamins aur fibre hasil karne wali aik behtreen ghiza ban Jayegi.

Taza Doodh se bani Dahi mein mufeed bacteria ka tanasub bahut zyada hota Hai. Aap koshish karen ke isko ghar mein hi bana liya karen. Dahi ko hamesha thandi jaga per rakhiye. Agar aapke ghar mein fridge maujud nahin hai, to kisi jaalidar kapde se dhanp kar hawa daar jaga par rakh dejiye. Thandi jaga per rakhne ki ek ehem waja yeh hoti hai ke mufeed bacteria zyada darja hararat mein phal phool nahin sakte.

Is mazmoon yani Dahi ke fayde ka ikhtatam ham is aik jumle se karain ge. Yeh insani jism ke liye chand mufeed tareen ghizao main se aik hai.

Dahi Ke Fayde (Yogurt Benefits In Urdu Hindi)

Kalonji Benefits ya Kalwanji ke Fayde aur Istemal

Kalonji Benefits ya Kalwanji ke Fayde aur Istemal

Kalonji benefits ya Kalwanji ke Fayde jan-ne keliye yeh post mukammal parhiye. Yeh kala dana ALLAH taala ki aik bohat bari naimat hei. Irshad e Nabwi hei:

" In kaale daano ko khud par lazim karlo kyunke in mein siwaye maut ke har marz keliye shifa hei".

Yeh ghas ki aik qism ka beej hota hei. Daikhne mein bilkul Piaz ke beejo se milta julta hei. Taizi se asar dikhane waale chote chote se yeh beej apne andar be inteha tibbi fawaid rakhte hein. Jadeed researches se pata chalta hei ke is mein maujood anasir kuch aise fawaid pohanchate hein, jo kisi aur cheez se hasil hona mushkil hein. Jabke is mein antibiotic khasoosiat bhi payi gayi hein.

Antioxidants se bharpoor Kalonji ka mizaj garm aur khushk hota hei. Isi waja se yeh khasoosi taur par sardi ke amraz aur ratoobati yani balghami beemariyo keliye ziada mufeed hei. Jabke yeh sardi ke ilawa garmi ke amraz mein bhi mufeed hei. 

Is mein woh sab anasir badarja atam paye jate hein, jo insani jism keliye zaroori hote hein. Yeh anasir insani jism ke mizaj aur zaroorat ke ain mutabiq hote hein. Iska istemal zamana qadeem se kiya jaa raha hei. Qadeemi mualijeen isko mayday aur aanto ke amraz, dimaghi kamzori aur faalij ke ilawa bohat se doosre amraz keliye bhi istemal karate thay.

Kalonji ke istemal mein ehtiat


Kalonji ke baqayda istemal keliye yaad rakhiye ke isko 1 masha se 2 masha tak hi khana chahiye. Mazeed yeh ke isko lagatar lambe arse tak bhi istemal na karein. Is ki waja yeh hei ke is mein kuch aise ajza bhi paye jaate hein, jinka musalsal istemal nuqsandeh ho sakta hei. 


Baqayda istemal karne keliye zaroori hei ke aap darmian mein kuch din ka waqfa bhi dete rahein. Behtar yeh hei ke isko kisi aur cheez ke sath mila kar khaya jaye. Aam istemal ka tariqa yeh hei. Ke rozana subha khali pait, 1 chutki Kalonji ya 1 masha iska powder, 1 chamach Shehad ke sath mila kar khane ka mamool bana lein. To ALLAH ke hukam se aap beshumar amraz se bache rahein ge.

Kalonji Benefits ya Kalwanji ke Fayde


Nizame inhazam ki islah keliye Kalonji akseer hei. Badhazmi, Gas aur khane ke baad pait mein bhari pan ya aphara ho jata ho. To pisi hui Kalonji aadhi chamchi khane ke baad istemal karne se yeh shikayat door ho jaati hei. 

Bad Cholesterol ko kam karne mein bhi behad moassir hei. Jism mein kaheen par bhi kisi bhi qism ki rukawat ho, iske baqayda istemal se door ho jaati hei. Yani yeh saddon ko khol deti hei. Jabke yeh wurmo ko bhi tehleel kar deti hei aur Giltiyo ko pighla kar khatam kar deti hei.

Kalonji Ziabitus ke marz mein bohat mufeed hei. Iske istemal se lablabe mein insulin ki satah mein izafa ho jata hei. Jis se Ziabitus control mein rehti hei. Is maqsad keliye mareez rozana subha Kalonji ke 7 adad daane kha liya karein.


Dimaghi aur aasabi kamzori, Raasha, Faalij, Laqwa aur Hafiza ki kamzori ki surat mein, Kalonji ki 1 chutki Shehad ke sath subha khali pait kha leni chahiye. Chand maah ke baqayda istemal se iske fayde zahir ho jayen ge.

Agar Kalonji ko Sirkay mein ubal kar iski bhaap ko soonghein. Aur isko chhan kar iske chand qatray naak mein daalein. To is se purana nazla, sar dard aur naak ke ghadood ka wurm door karne mein bohat madad milti hei. Agar sardi ki waja se zukam ho jaye, to isko tawway par bhoon lein. Aur pees kar kisi kaprde ki thaili mein daal kar paas rakh lein. Ab isko baar baar soonghte rahein to zukam door ho jaye ga.

ALLAH ki yeh naimat paishab awar bhi hei. Paishab ki rukawat ya band hone ki surat mein iska powder aadha chaye ka chamach waqfe waqfe se istemal karaiye. Jabke Gurday ya masana mein pathri ki shikayat ho to isko pani mein josh de kar chhan lejiye. Phir is mein Shehad mila kar pilaiye.


Jabke khwateen ki Haiz ki bandish aur Mahwari ki tamam kharabiyo, maslan Nalon ka dard, kamar ka dard, badan ka tootna, Pathon ka khichao aur taango ke dard waghera mein bhi Kalonji nehayat mufeed hei. Iske liye 5 se 10 ratti tak iska powder Shehad mein mila kar din mein 2 baar chatatay rahein to jald fayda hota hei.

Phaiphron aur hawa ki naaliyo mein sardi ki waja se Balgham jama ho kar saans ki tangi aur seene mein dard ka bayis ban jata hei. Is surat mein 3 maasha Kalonji aur 3 daane Anjeer ke lekar 1 piyali pani mein josh dekar chhan lejiye. Yeh mashroob 2 ya 3 din tak subha sham peene se ALLAH ke karam se shifa hasil ho jati hei.

Woh khwateen jo sheer khwar bacho ki maa hein. Agar unko Doodh kam aane ki shikayat ho. To unko chahiye ke Kalonji ke chand daane subha khali pait aur raat sote waqt Doodh ke sath kha liya karein. Is amal se unki yeh shikayat door ho jaye gi. Tahum, hamila khwateen ko chahiye ke woh iske istemal se guraiz karein. Kyunke is se hamal saqit hone ka khatra hota hei.


Agar face par keel muhasay hon to in kaale daano ko Sirkay mein pees kar aik paste sa bana lejiye. Aur raat ko sote waqt muhason par laip kar dejiye. Subha uth kar neem garm pani se dho lejiye. 1 hafte ke amal se muhasay khatam ho jaate hein. Neez jism par agar kaheen bhi daagh hon, to bhi iska laip fayda mand hei.

Kalonji ko pees kar Mehendi mein mix kejiye aur phir iska laip sar par kejiye. Aadhe ghantay baad dho lejiye. Yeh amal baqaydgi se karne se baal girna band ho jaate hein.

Agar pait mein keerde hon to Kalonji ko Sirkay ke sath mila kar khaiye, aaram aa jaye ga. Aur agar ghar mein iski dhooni di jaye, to yeh keerde makordo aur macharo ka khatima kar deti hei.

Kalonji benefits ya Kalwanji ke Fayde mukammal taur par beyan karna insan ke bas ki baat nahi.

Kalonji Benefits ya Kalwanji ke Fayde aur Istemal

Baal Lambe Karne Ka Tarika Long Hair Tips in Urdu Hindi

Baal Lambe Karne ka Tarika Long Hair Tips in Urdu Hindi

Baal lambe karne ka tarika ya Long Hair Tips in Urdu Hindi mein jan-ne ke liye yeh post poori parhiye. Har jawan khatoon ki khawahish hoti hei ke uske Baal lambe aur ghane hon. Kiyunke ghane lambe Baal hamesha se hi husn ki alamat samjhe jaate hein. Lekin iske liye Baalo ki dekh bhaal ke mamool mein tabdeeli ke ilawa mustaqil mizaji ke sath koshish karne ki zaroorat hoti hei. Agar aapke Baal us tarha se nahin barh rahe, jaise aap chahte hein, to sahi rehnumai ke liye mundarja zail tajaweez ko baghor parhiye.

Baal lambe karne ka tarika aur kuch nehayat karamad tajaweez


Sab se pehle to apni rozmarra ki ghiza par khasoosi tawajja dein. Vitamins se barpoor aik mutawazan khurak aapke Baalo ko girne aur tootne se bachati hei. Aisi ghizayi ashiya istemal karein jin mein Protein wafir miqdar mein payi jaati ho, kiyunke yeh Baalo ke liye behtreen hoti hein. Jaise ke Doodh, Dahi, paneer, Anda, Machli, Gosht aur Lobia.

Iske ilawa aik aur ghizai juz hei Omega 3 fatty acids, jo baalo ke liye intehayi mufeed hei. Yeh baalo ki jardo ko mazboot banata hei. Yeh ghizai juz roghni Machli yani Salmon waghera mein khasi miqdar mein maujood hota hei. Jabke khushk mewo khasoosan Akhrot ke ilawa Alsi ke beejon mein bhi ye paya jata hei.

Kya aap jante hein ke Baalo ko siron ki taraf se agar baqaydgi se mamooli sa kaat-te rahein, to is se baal tezi se barhne lagte hein. Is maqsad ke liye har thore arse ke baad ziyada se ziyada aadha inch tak kaatna munasib hei.

Baalo ke liye Tail ka istemal bhi bohat mufeed hei. Lekin zaroori hei ke Tail Baalo ki Jardon mein ache se jazab ho. Is maqsad keliye Tail ko halka garam kar ke Baalo ki Jardon mein lagaiye. Aur baalo ko tauliye se 2 ghante keliye lapait dein. Iske baad kisi ache Shampoo se dho lejiye.


Aap ghusal karne ke baad bhi Tail laga sakti hein. Iska fayda yeh ho ga ke ghusal ki waja se jild par jami meil utar jaye gi. Masaam khul jayein ge aur yun Tail jardon mein achi tarha jazab ho kar fayda de ga.

Agar Baalo ki ache se safayi naa ki jaye to gardo ghubar aur paseenay ki waja se sar ki jild par meil ki aik teh si ban jati hei. Jiski waja se jild ko oxygen ki farahmi mein rukawat paida hoti hei. Aur yun nashonuma ka amal ruk jaane ki waja se baal girne lagte hei. Sar ki jild ki behtreen safayi keliye Multani mitti ka laip bohat fayda mand hei.

Multani mitti ko pani ke sath mila kar aik paste sa bana lein. Aur isko baalo mein lagaiye aur phir 10 se 15 minutes ke baad dho lejiye. Yeh jild ko saaf kar ke nasirf Oxygen ki farahmi ko bahal karta hei. Balke is se khoon ki rawani mein bhi izafa ho jata hei. Yun baalo ki jardo ko protein aur vitamins ziyada milne se inki nashonuma mein tezi aa jati hei. Yeh amal hafte mein aik ya do baar karna munasib hei.

Apne Baalo ki mazbooti ke liye aap apne sar ki maalish ya masaaj bhi karwa sakti hein. Masaaj se sar ki taraf khoon ki gardish barhti hei, jis se aapke baalo ki jardon ko taqat milti hei.

Baal lambe karne ke liye aik zabardast aur aasan Nuskha


Kya aapko maloom hei ke Piaz aapke Baalo ki mazbooti aur inko lamba karne keliye aik behtreen cheez hei. Iske rus mein aise ajza paye jaate hei jo Baalo ki kharabiyo ko nasirf door karte hein. Balke naye baal bhi ugaate hei. Iske liye aap 2 adad darmiyane size ke piaz lein. lekin yaad rahe ke Piaz red color ke hone chahiye. Warna matlooba results nahin milein gay.


Ab inko chote tukdon mein kaat kar aik daigchee mein daal lein. Aur phir is mein aik glass saaf pani daal kar 10 se 12 minutes tak ubaliye. Iske baad isko chulhe se utaar kar dhanp dein aur poori raat pada rehne dein. Subha ko yeh pani gulabi color ka ho jaye ga. Ab is mein aadhe lemo ka rus mila dein. Aur iske baad isko chhan kar kisi bottle mein mehfooz kar lein. Yeh 7 din tak keliye karamad hei. Is mehlool ko aap fridge mein mehfooz kar sakte hein.

Jabke istemal keliye rozana raat ko yeh mehlool apne baalo par achi tarha se lagaiye. Aur subha uth kar dho lejiye. Aik month ke istemal se hi aapko wazeh farq nazar aaye ga. Yeh aik bohat hi aasan Baal lambe karne ka tarika hei.

Baal Lambe Karne ka Tarika Long Hair Tips in Urdu Hindi

Nimbu Ke Fayde Janiye Lemon Benefits

Nimbu Ke Fayde Janiye Lemon Benefits
Nimbu ke fayde ya Lemon benefits is post mein ham beyan karein gay. Nimbu tamam sabziyo aur phalo mein aik alag hi maqam rakhta hei. Khaane peene ki cheezo ka maza dobaala karne ke liye iska istemal bohat kiya jaata hei. Mausam garma mein jab loo chal rahi ho to iska istemal farhat bakhshta hei. Garmi ko bhaga kar badan mein taazgi laata hei.

Nimbu mein Vitamin C ki bhaari miqdar ke ilawa Vitamin B, Phosphorus, Calcium aur Potassium bhi paye jaate hein. Iski bohat si iqsam hein jin mein se Kaaghzi Nimbu ko behtreen samjha jaata hei. Kyunke iska chhilka mota nahi hota jabke is mein rus bhi ziyada hota hei.

Lemo ya Nimbu ke fayde


Lemo ya Nimbu ka rus intehayi mufeed hota hei. Yeh hamari quwat-e-mudafiat ko barhata hei. Isko baqaydgi se use karne waale log beemar hone se bache rehte hein. Kyunke is mein bohat se amraaz ka muqabla karne ki salahiyat payi jaati hei.

Nimbu ya Lemo khoon ko naa sirf saaf karta hei, balke isko patla bhi karta hei. Jis se khoon mein cholesterol ka balance qayim rakhne mein madad milti hei. Jabke yeh khoon ke khulyo mein Oxygen ki supply ko bhi barhata hei. Yun dil ko taqwiyat milti hei, jabke yeh khoon ki hiddat mein bhi kami laata hei.


Jigar ki tamam kharabiyo mein bhi iska istemal karna mufeed hei. Rozana subha naashta se pehle aadha glass Pani mein 1 lemo ka rus mila kar pee liya kejiye. Is amal se bohat sust Jigar bhi sahi kaam karne lagta hei.

Mayda ke Amraaz keliye yeh aik umda dawa hei. Tezaabi maado ko khatam karta hei. Matli aur Ulti ki kefiyat mein isko namak laga kar chaata jaye, to fayda hota hei. Seene ki jalan, Haath Paaoo ka jalna, Kamar ka dard aur Paishab mein Tezabiyat ya Uric Acid keliye bhi Lemo ka istemal mufeed hei. Mayday ke wurm ko bhi door karta hei. Agar aap Nimbu ya Lemo ke istemal ko apna mamool bana lein to aap kabhi bhi Pait ya Mayday ke amraaz ka shikar nahi hon gay.


Galay ke amraaz mein Lemo ka istemal nehayat mufeed hei. Iska rus brabar miqdar mein Shehad ke saath mila kar chaatne se takleef door ho jaati hei.

Nimbu ka chhilka bhi bohat  kaaramad hota hei. Is mein se aik tail nikalta hei jo paani ko khushbudar karta hei. Jabke yeh tail pait ki takaleef ke liye mufeed hota hei. Is chhilke ke rus ko medicines ki tayyari mein bhi use kiya jaata hei.

Nimbu ke fayde ya Lemon benefits ka yeh mazmoon ham is tajweez ke sath khatam karte hein. Aap rozana subha khaali pait 1 glass neem garam paani mein 1 Lemo ka rus mila kar peene ka mamool bana lein. Is amal ke results aapko hairan kar dein gay.

Nimbu Ke Fayde Janiye Lemon Benefits

السی کے فائدے اور استعمال کا طریقہ جانیے

السی کے فائدے اور استعمال کا طریقہ جانیے

السی کے فائدے جان کر آپ حیران رہ جائیں گے۔ جو لوگ السی کو اپنی روزمرہ خوراک کا حصہ بنا لیتے ہیں وہ زیادہ صحتمند ہوتے ہیں۔ اس کا استعمال ہزاروں سال سے کیا جا رہا ہے۔ زمانہ قدیم کی طب کی کتب میں بھی اس کی شفا بخش خصوصیات کا ذکر ملتا ہے۔

السی کے بیج میں تیس سے چالیس فیصد حصہ تیل کے علاوہ اومیگا 3 فیٹی ایسڈ، ریشہ اور پروٹین خاصی مقدار میں ہوتے ہیں۔ جبکہ وٹامن بی 1، بی 2، وٹامن سی، ای، کیروٹین، فولاد اور زنک بھی پائے جاتے ہیں۔ اس کے علاوہ کچھ مقدار میں اومیگا 6، پوٹاشیم، کیلشیم اور فاسفورس بھی موجود ہوتے ہیں۔

السی کے بیج کی تاثیر پہلے درجے میں گرم ہوتی ہے۔ اس کا تیل بھی استعمال کیا جاتا ہے، لیکن السی کے بیج استعمال کرنا زیادہ مفید ہیں۔ کیونکہ یہ تیل جلدی خراب ہو جاتا ہے اس لیے کم مقدار میں خریدیئے اور جلدی استعمال کر لیجیئے۔ یاد رکھیئے کہ اس تیل کو کھانا پکانے کے لئے کبھی بھی استعمال مت کیجیئے۔

السی کے فائدے


السی کینسر کو بڑھنے یا پھیلنے سے روکتی ہے۔ اس میں غیر حل پذیر ریشے بھی بھاری مقدار میں ہوتے ہیں۔ یہ نا صرف جراثیم اور وائرس کو دور کرتے ہیں بلکہ جسم میں رسولی بھی بننے نہیں دیتے۔ ڈاکٹروں کے خیال میں یہ ریشے ایسٹروجن ہارمون کو جسم سے نکال دیتے ہیں اور اسی ہارمون کی وجہ سے ہی جسم میں رسولیوں کی افزائش ہوتی ہے۔ یوں جسم میں رسولی نہیں بن سکتی اور اگر پہلے سے کوئی رسولی موجود ہو تو وہ بڑھنے نہیں پاتی۔

السی میں بہترین قسم کا پروٹین ہوتا ہے۔ جو لوگ کسی وجہ سے گوشت یا مچھلی نہیں کھا سکتے، وہ السی کے بیج کھا لیا کریں۔ اس میں اومیگا 3 فیٹی ایسڈ کافی مقدار میں پایا جاتا ہے۔ یہی جز مچھلی کے تیل میں بھی ہوتا ہے۔ یہ خون میں تھکے بننے سے روکتا ہے۔ کولیسٹرول کم کرتا ہے اور دل اور دماغ کی صحت کے لئے بہترین سمجھا جاتا ہے۔ جوڑوں کے درد اور دمہ کے مرض میں بھی مفید ہے۔


السی ذیابیطس کے مرض میں بھی بہت مفید ہے، کیونکہ یہ خون میں شکر کی مقدار کو متوازن کرنے کی صلاحیت رکھتی ہے۔ اس میں موجود فیٹی ایسڈ غذا کے جزو بدن بننے کے عمل کو تیز کرتے ہیں۔ ان کی وجہ سے جسم میں سے فالتو چربی کے پگھلنے میں مدد ملتی ہے جس سے وزن کم ہوتا ہے۔

یہ قبض میں بھی فائدہ مند ہے کیونکہ اس میں بہت زیادہ ریشہ اور قدرتی لعاب ہوتا ہے۔ اس کے روزانہ استعمال سے ہاضمہ کو طاقت ملتی ہے۔

حاملہ اور دودھ پلانے والی خواتین اگر روزانہ ایک چائے کا چمچ السی کا تیل پی لیا کریں، تو بچے کا دماغ تیز ہو جاتا ہے۔ اور اگر سکول جانے والے بچے اس تیل کے 5 قطرے روزانہ پی لیں تو وہ سانس کی بیماریوں سے محفوظ رہتے ہیں۔

ایک تولہ السی کے بیج پانی میں جوش دے کر پیس لیں اور پی لیں۔ کچھ دن تک یہ عمل کرتے رہیں تو مثانہ کی پتھری نکل جاتی ہے۔

السی کے استعمال کا طریقہ


السی کے بیج کا چھلکا کافی سخت ہوتا ہے۔ اگر اس کو بغیر چبائے کھا لیا جائے، تو ہمارا ہاضمہ اس کو ہضم نہیں کر پاتا اور یہ سالم ہی خارج ہو جاتا ہے۔ اس لیے ان کو استعمال کرنے کا سب سے بہترین طریقہ یہی ہے کہ ان کو پیس کر کھایا جائے۔

آپ السی خرید کر اس کو چھان کر اور صاف کر کے فریج میں رکھ دیں۔ روزانہ صبح خالی پیٹ جتنی ضرورت ہو اتنی ہی مقدار کو گرائنڈر میں پیس کر پانی کے ساتھ کھا لیا کریں۔ یا پھر صرف ایک ہفتے کی خوراک کو پیس کر کسی ہوا بند بوتل میں ڈال کر فریج میں رکھ لیں۔


روزانہ ایک چمچ کا استعمال کافی ہے۔ ایک ہفتے کے بعد دو چمچ تک بڑھا دیں۔ استعمال شروع کرنے کے پندرہ دن کے بعد سے آپ کو اس کے مفید اثرات محسوس ہونے لگیں گے۔ لیکن بعض لوگوں کو ایک مہینہ بھی لگ سکتا ہے۔ لیکن اس عمل کو جاری رکھنا آپ کو بہت سی بیماریوں سے بچائے رکھے گا۔

السی کے فائدے جان کر جب آپ اس کا باقاعدہ استعمال شروع کریں، تو ایک بات کا خاص خیال رکھیں، وہ یہ کہ آپ نے اپنی روز مرہ کی روٹین سے زیادہ پانی پینا ہے۔

السی کے فائدے اور استعمال کا طریقہ جانیے

کشمش کھانے کے فائدے اور اس کے طبی فوائد

کشمش کھانے کے فائدے اور اس کے طبی فوائد

کشمش کھانے کے فائدے جان کرآپ حیران رہ جایئں گے۔ اللہ کی یہ نعمت اپنے اندر بے انتہا طبی فوائد رکھتی ہے۔ انگور جب خشک ہوجاتے ہیں تو کشمش بن جاتے ہیں۔ رنگت کے لحاظ سے اس کی 4 اقسام ہوتی ہیں۔ سرخ، سبز، سفید اور سیاہ۔ سبز قسم سب سے بہترین سمجھی جاتی ہے۔

کشمش کھانے کے فائدے اردو میں


کشمش توانائی کے حصول کا ایک بہترین ذریعہ ہے۔ اگر آپ کو جسمانی کمزوری محسوس ہو رہی ہو یا آپ تھکاوٹ کا شکار ہیں تو یہ کشمش کے استعمال کا بہترین وقت ہے۔ یہ کمزوری کو دور کر کے جسمانی توانائی کی سطح کو بڑھا دیتی ہے۔ جبکہ اس میں اینٹی آکسیڈنٹس کی مقدار بھی بہت زیادہ پائی جاتی ہے۔

یہ ناصرف کیلشیم سے بھرپور ہوتی ہے، بلکہ اس میں ایک ایسا عنصر بھی پایا جاتا ہے جو کیلشیم کو جسم میں جذب کرنے کا کام کرتا ہے۔ جس کی وجہ سے ہڈیاں مضبوط ہوتی ہیں۔ کیلشیم کی کمی کا شکار لوگ اگر اس کو دودھ کے ساتھ استعمال کریں تو یہ سونے پر سہاگہ کا کام کرے گا۔

یہ قوت باہ یعنی مردانہ طاقت میں بھی اضافہ کرتی ہے۔

کولیسٹرول کم کرنے میں بھی مدد کرتی ہے۔ اس کا روزانہ باقاعدگی سے استعمال جسم میں سے ایل ڈی ایل یعنی مضر صحت کولیسٹرول کو بڑھنے سے روکتا ہے۔


یہ ایک ریشہ سے بھرپور میوہ ہے اور اس میں ٹارٹرک ایسڈ بھی پایا جاتا ہے۔ جس کے اثرات ہلکے جلاب جیسے ہوتے ہیں۔ اس میں پائے جانے والے ریشے کی یہ خصوصیت ہے کہ یہ پانی کے موجود ہونے کی صورت میں پھول جاتا ہے۔ اسی وجہ سے یہ غذا کو زود ہضم بنا کر قبض نہیں ہونے دیتا، بلکہ غذا میں شامل مختلف غذائی اجزا کو جزو بدن بنانے میں اہم کردار ادا کرتا ہے۔ متواتر پندرہ دن تک کشمش کھاتے رہنے سے یہ پرانی قبض میں مفید ثابت ہوتی ہے۔

جو لوگ وزن کم کرنے کے لیے ورزش کرتے ہیں اگر وہ ورزش کے ساتھ کشمش بھی استعمال کریں تو بہت فائدہ ہو گا۔ اس میں کاربوہائیڈریٹس بھی شامل ہوتے ہیں جو بھوک لگنےکےاحساس کو کم کرتے ہیں۔

اس کو پابندی سے کھایا جائے، تو جسم میں دوران خون کا نظام بہتر ہو جاتا ہے۔ اس میں موجود فولاد دوران خون کو منظم کرنے میں مدد کرتا ہے۔ اس میں ایک ایسا کیمیکل پایا جاتا ہے، جو جسم میں خراب خلیوں کی وجہ سے بننے والے ذرات کا خاتمہ کرتا ہے۔

فولاد اور دیگر معدنیات کے علاوہ اس میں وٹامن سی بھی موجود ہوتا ہے، جو کہ معدنیات کو جذب کرنےمیں مددکرتا ہے۔ اس وجہ سے یہ بالوں کوقبل از وقت سفید ہونے سے روکتا ہے۔

کشمش میں ایک ایسا کیمیائی مادہ پایا جاتا ہے، جو انسانی جلد کو تیز دھوپ کے مضر اثرات سے محفوظ رکھتا ہے۔ اس میں موجود امینو ایسڈز کی وجہ سے جلد پر ایک تہہ سی بن جاتی ہے، جو سورج کی مضر کرنوں کے علاوہ جلد کے کینسر سے بھی حفاظت کرتی ہے۔ اس میں شامل کولاجن نامی جزو کی وجہ سے یہ جلد کو لچکدار بناتا ہے اور ڈھیلا پڑنے سے روکتا ہے جس سے جلد پر جھریاں نہیں پڑتی۔


مضبوط دانتوں اورصحتمند مسوڑھوں کیلیےکشمش کاباقاعدہ استعمال تجویزکیاجاتاہے۔ اس میں موجود لینولک ایسڈ دانتوں پرپلاک بننے نہیں دیتا۔ جبکہ کیلشیم کیوجہ سےدانت مضبوط ہوجاتے ہیں۔

بچوں کو تندرست و توانا رکھنے کیلیے کشمش ایک بہترین ٹانک کا کام کرسکتی ہے۔ اگر آپ کے بچے سستی کا شکار رہتے ہیں، تو کشمش کھلانے سے ان میں طاقت اور چستی آ جائے گی۔ کھانسی ہونے کی صورت میں ملیٹھی کیساتھ ملا کر کھلانے سے فائدہ ہو گا۔ بچے میں خون کی کمی ہو تو، کھجور کے ساتھ ملا کر کھلائیں۔ اور قبض کی صورت میں رات کو پانی میں بھگو کر صبح سویرے کھلائیں۔

اگر آپ کسی ایسے سفر پر جا رہے ہیں جہاں پانی کا ملنا مشکل ہو، تو آپ روانہ ہونے سے پہلے اگر کشمش کھا لیں، تو بہت اچھا رہے گا۔

کشمش کھانے کے فائدے جان لینے کے بعد آپ یقینا اس کو اپنی غذا کا حصہ بنانا پسند کریں گے۔

کشمش کھانے کے فائدے اور اس کے طبی فوائد

Shehad ke Fayde, Istemal ka Tarika

Shehad ke Fayde, Shahad se Ilaj aur Istemal ka Tarika
Shehad ke fayde beyan karna insan ke bas ki baat nahi. Yeh ALLAH Taala ki aik intehayi aala nemat hei. Irshad-e-Rabbi hei " Is mein shifa hei insan ke liye." (Surah Al-Nahl). ALLAH taala ne Quran Paak mein Shehad ki makhi ko itni ehmiyat di ke aik poori Surah iske naam se Naazil hui.

Shehad aik aisa sayyal hei ke jis mein khud ko saalha saal tak mehfooz rakhne ki khasiyat payi jaati hei. Barre sagheer ke ilawa Misr aur Yunaan mein hazaro saal se isko dawa ke taur par use kiya jaata raha hei. Aristu ke mutabiq " Shehad sehat ko behtar banata hei aur umar lambi karta hei".

Shehad ke ghizayi ajza


Shehad ki 100 gram miqdar mein 304 calories hoti hein. Jabke Fats 0g, Cholesterol 0mg, Dietary Fiber 0.2g, Carbohydrate 82.4g, Protein 0.3g aur Sugar 82.12g hoti hein. Maadni ajza mein Sodium 4mg, Potassium 52mg, Calcium 5mg, Phosphorus 16mg, iron 0.9mg, Vitamin C 4mg aur mamooli sa Vitamin B complex bhi paya jaata hei.

Shehad ke Fayde


Shehad har beemari ke liye kaamil shifa rakhta hei. Isko tamam amraaz mein istemal kiya jaa sakta hei. Yeh wahid dawa hei jo Virus ko bhi halaak kar sakti hei. Khoon ko patla karta hei. Blood pressure ka marz door karta hei. Halaq ki khushki ko khatam karta hei. Puraane bukhar ko rafa karta hei. Baadi pan ka khaatma karta hei. Quwat haafza aur mardana taqat mein izafa karta hei. Qabz kusha bhi hei. Khawateen ke periods mein baqaydgi paida karta hei.


Jismani kamzori aur zehni thakawat ko door karne ke liye Shehad se behtar koi aur cheez nahi. Yeh aasani se hazam ho jaata hei aur fauran hi juzwe badan ban jaata hei. Is mein shamil ajza khoon ke surkh zarrat mein izafa karne ke ilawa unka tawazan bhi qayim rakhte hein.

Shehad ka asar insani jism par kaee tarah se hota hei. Beemari ke baad hone waali kamzori aur Jism ki rozmarra ki toot phoot ko theek karta hei. Behtreen jaraseem kush hei. Puraane zakhm par marham ke taur par lagaane se Zakhm theek ho jaata hei.

Yeh hamare Jism aur Dimagh se Toxins ko baahir nikaal deta hei. Jigar ke afaal ko active karta hei. Amraaze Tanaffus keliye bemisaal shifayi khasoosiyat ka haamil hei. Gurda aur Masana ki Pathri ko tord deta hei. Gurdo ki sozish ka sab se behtreen ilaj ublay huay paani mein Shehad ko mila kar peena hei.


Mayda aur Aanto ke amraaz mein nehayat mufeed hei. Galay se le kar phaiphrdo tak har tarah ki sozish mein iska istemal akseer hei. Is maqsad ke liye garm paani mein Shehad ko mila kar ghoont le le kar pejiye. Yeh naaliyo ke aakhri hissay tak asar dikhaye gaa. Jabke Dama ke marz mein bhi naaliyo mein se balgham ko nikaalne ke liye garm paani aur Shehad se behtar koi cheez nahi.

Aankho ki beemariyo mein agar in mein Shehad lagaya jaye to behad fayda hota hei. Neez isko rozana aankho mein lagaane se Beenayi teez ho jaati hei. Agar aapki aankh mein kuch chala gya hei jo takleef de raha hei to Shehad Aankh mein daalne se theek ho jaye gaa.

Neend ki kami ka shikar log raat ko sote waqt aadha glass paani mein 1 ya 2 chamach Shehad mila kar pee lein. Is amal se gehri aur achi Neend haasil ho gi.


Daanto aur masoordho ke liye Shehad aik behtreen tonic hei. Is mein woh sab khoobiyan maujood hein jinki Daanto aur masoordho ko zaroorat hoti hei. Isko ungli ki madad se lagaya jaye, to yeh inko saaf karne ke saath saath mazboot bhi banata hei. Daanto par Plaque ban-ne nahi deta. Iske ilawa masoordho par naya gosht bhi paida hota hei.

Dard-e-Shaqiqa mein mubtila log yeh totka aazmayen. Sar ki jis side mein dard ho uski mukhaalif side waale naak ke nathne mein Shehad ka aik qatra daal lein. ALLAH ke hukam se fauran aaram aa jaye gaa.

Agar aap sar mein Lice hone se pareshan hein, to Shehad mein Arq-e-Gulab mila kar sar mein lagaiye. Yeh Lice ka khaatma karne ke ilawa Balo ko narm mulayem aur chamakdar banata hei.

Shehad ke istemal ka tarika


Shehad ke istemal ka sab se behtar tareeqa wohi hei, jo hamaare pyaare Rasool (S A W) ki sunnat hei. App isko khaali pait paani mei hal kar ke peena pasand farmaate thay. Is amal mein yeh hikmat hei ke yeh fauran jazab ho kar mayda se faasid mawad ko nikaalta hei. Jis se jism amraaz se mehfooz rehta hei. Aapki hayat-e-tayyaba se ssabit hei ke aap kabhi 1 din keliye bhi beemar nahi huay. Aur naa hi kabhi doran safar ya doran jang thakan ka izhaar farmaya.

Shehad ke istemal mein ahtiyat


Garam mizaj ke log iska istemal ahtiyat se karein.
Diabetes ke mareez apne mualij ke mashware se istemal karein.
Shehad aur Ghee aik saath nahi khana chahiye. Is se Faalij ka khatra hota hei.
Machli ke saath bhi Shehad mat khaiye. Bars ya Jazzam ka khatra hota hei.
Tursh ashiya khaane ke baad bhi Shehad mat lejiye. Is se pait mein kharabi ho jaati hei.
Chawal aur Gosht khaane ke baad bhi iske istemal se guraiz kejiye. Kiunke is se kaee amraaz paida ho sakte hein.

Shehad ke Fayde mukammal taur par beyan karna insan ke bas se bahir hei.

Shehad ke Fayde, Shahad se Ilaj aur Istemal ka Tarika