Thursday, May 10, 2018

Bawaseer Ka Ilaj or Parhez Janiye Yeh Kyun Hota hei

Bawaseer Ka Ilaj or Parhez Janiye Yeh Kyun Hota hei

Bawaseer ka ilaj or parhez jan-ne keliye yeh post aakhir tak parhiye. Pehle jaante hein ke yeh marz kya hei. Insan ke Maqad mein jo khoon ki ragein hoti hein un mein jab Sozish, Kharish, Wurm ya Chhaale se ban jayen to is kefiyat ko Bawaseer kaha jaata hei. Jab yeh marz hota hei to uski bohat si wajuhaat ho sakti hein. Yeh marz moroosi bhi ho sakta hei lekin dayemi Qabz iski sab se bari waja hei.

Qabz ke bayis jab Pakhana sakht ho jaata hei to usko khaarij karne mein mushkil paish aati hei. Yun zor lagane ki waja se maqad ki Rago par dabao parta hei. Aur in Rago mein sozish paida ho jaati hei.

Agar is moqa par ehtiyat na ki jaye aur yeh kefiyat musalsal rehne lage to Maqad ke ird gird Rago mein Khoon theher jaata hei. Jiski waja se ragein phool jaati hein. Aur masso ki shakal mein bahir nikal aati hein. Yaa ander hi ki taraf takleef dene lagti hein. Jabke yeh andar aur bahir dono taraf bhi ho sakti hein.

Mareez jab pakhana karne lagta hei to dabao pardne ki waja se yeh phat jaati hein. Aur in se Khoon behne lagta hei. Agar Pakhana ke sath khoon aata ho to Khooni Bawaseer aur agar Khoon na aye to Baadi Bawaseer kehlati hei.

Bawaseer ki alamat aur kon log is marz ka shikar ho sakte hein

Bawaseer ki alamat yeh hein. Maqad mein kharish ya jalan, Shadeed Qabz, Pakhana karte waqt ya uske baad khoon aana, Maqad ke maqam par phooli hui Rago ka mehsoos hona. Jabke Mayde mein Gas aur tezabiyat, bhook aur Neend mein kami, jismani kamzori, Kamar aur Joro mein dard aur tabiyat mein bezari bhi ho jaati hei.

Din bhar baith kar kaam karne wale log aur aksar Hamila khwateen Qabz ka shikar ho jaate hein. Jiski waja se Bawaseer ka marz ho sakta hei. Iske ilawa wazan ki ziyadti, Garm aur chatpate khane khaana aur Raisha daar ghiza ka kam istemal bhi iske asbab ho sakte hein. Jabke Zaeef log, Depression ke mareez, Diabetes aur jigar ke amraaz mein mubtila logo mein Bawaseer hone ke imkanat ziyada hote hein.

Bawaseer ka ilaj or parhez kuch karamad gharelu totke


Bawaseer ka ilaj ke liye Anjeer bohat mufeed hei. Iske istemal se purani se purani Bawaseer bhi khatam ho jaati hei. Yeh gas aur Qabz ka khatma karti hei aur khoon ki naliyo ko mazboot karti hei. Lekin iska istemal baqaydgi se aur lambe arse tak karna chahiye. Mukhtalif logo ko 4 se le kar 10 months tak ke arse mein mukammal shifa mil jaati hei.

Is ka tareeqa yeh hei ke, rozana subha khaali pait 1 glass Paani mein 1 table spoon Shehed ka mila kar peena shuru kar dein. Lekin is mashroob ko peene ke saath Anjeer ke 5 daane bhi iske saath khana zaroori hein. Yeh is marz ka shaafi ilaj hei.

2 Cup Gajar ke rus mein 1 cup Paalak ka rus mila kar rozana 3 hafte tak pejiye. Is se har qism ki Bawaseer khatam ho jaye gi.

20 gram Kaali Mirch, 200 gram Zeera aur 20 gram Misri lejiye. Ab in teeno ko mila kar Grinder mein pees kar kisi sheeshi mein rakh lejiye. Rozana is safoof ka 1 chamcha pani ke sath din mein 2 baar istemal kejiye. Yeh bhi aik aasan gharelu Bawaseer ka ilaj hei.

Ghizayi ahtiyat aur Parhez


Is marz ke ilaj keliye ghiza mein parhez bohat zaroori hei. Apne rozmarra ke khane peene ke mamool ko sahi karna bohat ehem hei. Ghiza hamesha apne muqarrar waqt par khayen. Pait bhar kar khaane se ijtanab karein. Raisha dar khurak ka istemal ziyada karein aur paani jitna ziyada ho sake pejiye. Iske ilawa taaza sabzi aur fruits ka istemal bhi ziyada kejiye.

Jabke Bara gosht, Anda, Taiz masalah daar khaane, tali hui ashiya, Chawal aur is se bani hui cheezein aur dabba band khurak bilkul tark kar dejiye. Doodh mein pani mila kar piya kejiye. Kache Nariyal ka pani bhi peete rahiye. Sakht jagha par baithne se gurez kejiye. Raat ko sone se pehle 1 chamcha Ispaghol ka chhilka doodh ke saath le liya kejiye.

Hamein ummeed hei ke Bawaseer ka ilaj or parhez se mutalliq yeh mazmoon aapke liye mufeed saabit ho ga.

Bawaseer Ka Ilaj or Parhez Janiye Yeh Kyun Hota hei

Related Posts

11 Comments

November 1, 2018 at 11:23 AM delete

Thanks for sharing very useful post. Natural piles treatment is very effective.

Reply
avatar
February 2, 2019 at 11:00 AM delete

Opt for herbal treatment like pilepsole capsule to get instant relief from piles naturally.

Reply
avatar
May 9, 2019 at 11:29 PM delete

Nice & knowledgeable informative post

Reply
avatar
January 7, 2021 at 12:40 PM delete

I usually think of informative content as dull but necessary for learning. Interesting informational articles like this are rare. This material is informational without being boring and intimidating.Thank you....If you have a piles. you should go to Ajmal Pharmacy. Here you will find the plus medicine. Fascinating at a low price. For more information visit here:
bawaseer!

Reply
avatar
January 18, 2021 at 2:27 PM delete

Your work is very inspiring. This article is material that is absorbing and interesting. The points made here are original. I hope you continue this. Your work surpasses my expectations.for more information visit here:bawaseer!

Reply
avatar
February 2, 2021 at 12:48 PM delete

It's good to see writing that is so good that you know the writer has done the homework on the subject. I am impressed with your insight and viewpoints on this topic. Thank a bunch.for more information visit here:what is bawaseer!

Reply
avatar
February 12, 2021 at 12:28 PM delete

This article is filled with some well-researched information. you've got made valid points during a unique way. Since this has made me think, I will be able to need to review some aspects. For more information visit here: bawaseer

Reply
avatar