BMI Kya Hota Hai Aur Yeh Kaise Nikalte Hain?

BMI Kya Hota Hai Aur Yeh Kaise Nikalte Hain?

Health Tips Learn Roman Hindi/Urdu

Agar aap apni sehat ka khayal rakhte hain to yeh bhi jaaniye ke BMI kya hota hai? Aapka BMI score kitna hai aur aap yeh kaise nikal sakte hain? Achi sehat ko qayim rakhne ke liye yeh jaanna bohat ehem hai. Aaj ham aapko BMI nikalne ka bohat hi aasan tarika bataye ge.

Agar aap apni sehat ka khayal rakhte hain to aapke liye yeh jaan lena bhi zaroori hai ke aapka BMI kiya hai. Apni sehat ko qayim rakhne aur motapay ya kamzori se bachne ke liye aik munasib diet plan tarteeb dena bohat zaroori hota hai. Aur yeh diet plan BMI maloom kiye baghair tarteeb dena mumkin nahi.

 

BMI ya Body mass Index darasal jismani charbi ya fats maloom karne ka aik paimana hai. Yeh baaligh mard o khwateen ke jismani wazan aur qad ki lambayi ki bunyad par maloom kiya jata hai.

 

Aur yeh maloom kiya jata hai ke aaya aik shakhs kamzori ya motapay ka shikar hai ya nahi. Kya us ka wazan normal hai ya mamool se kam ya ziyada hai. Yaa phir bohat ziyada hai yani woh Motape ka shikar hai.

 

Aik mufeed post: Potassium Ki Kami Se Kya Hota Hai?

 

BMI maloom karne ka sab se aasan formula aaj ham aapko batayen ge aur woh kuch yun hai:

 

BMI Formula

 

Wazan (kg) / Qad ki oonchayi (cm) / Qad ki oonchayi (cm) x 10,000

 

Yaani ke aap apne wazan ko Kilogram main maapiye aur apne qad ko Centimeters main naapiye. Uske baad wazan ko qad se taqseem kejiye. Aur jo haasil aaye usko dobara qad se taqseem kar dejiye. Ab jo haasil aaye usko das hazar se zarab de dejiye. Aur yun jo score haasil ho gaa wo aapka BMI ho ga.

 

Misal ke taur par agar Nasir ka wazan 55 KG hai aur uska qad 175 cm taweel hai to uska BMI aise maloom karain ge.

 

55 taqseem 175 = 0.314
0.314 taqseem 175= .00179
.00179 zarab 10000= 17.9

 

Yani ke nasir ka BMI score 17.9 hai.

 

Jab aap is formule se apna BMI maloom kar lain. To phir yeh jaan-ne ke liye ke aapka wazan mamool ke mutabiq hai ya nahi uske liye kya karna ho ga? Woh bhi ham aapko batate hain to suniye: 

 

Agar aapka BMI score 18.5 se kam aaye to iska matlab aapka wazan mamool se kam hai.

 

Agar BMI score 18.5 se le kar 24.9 tak aaye to aapka wazan normal hai.

 

Agar BMI score 25 se le kar 29.9 tak ho to aapka wazan mamool se ziyada hai. Aur aapko ehtiyat ki zaroorat hai.

Yeh bhi Padhiye: Pait Dard Ka Fori Ilaj

 

Aur agar aapka BMI 30 ya us se ziyada ho to yeh lamha e fikriya hai. Kyun ke aap motape ka shikar hain, aur aapko apna wazan kam karne ki ashad zaroorat hai.

 

Aik achi sehat mand zindagi guzarne keliye zaroori hai ke aap ka wazan mamool ke mutabiq ho. Aur iske liye aapko BMI maloom karna ho ga. Aur BMI score maloom karne keliye aap yeh formula zaroor istemal kejiye.

Potassium Ki Kami Se Kya Hota Hai? Alamat

Potassium Ki Kami Se Kya Hota Hai? Alamat

Fayde Health Tips Learn Roman Hindi/Urdu Vitamins/Madni Ajza

Agar aap jan-na chahte hein ke Potassium ki kami se kya hota hai, to yeh post mukammal padhiye. Hamare jism mein maujood har khulye ko kaam karne keliye Potassium aur maadni namkiyaat ki aik khas miqdar ki zaroorat hoti hei. Agar yeh matlooba miqdar se kam milein to jism mein is maadni juz ki miqdar kam ho jaati hei.

 

Duniya bhar mein beshumar log khasoosan khwateen har saal Potassium ki kami se paida hone wali beemariyo ki waja se halaak ho jaate hein. Yeh naa sirf hamare blood pressure aur dil ki dhadkan ko control mein rakhta hei, balke yeh hamare dil, dimagh aur pattho ko kaam karne mein bhi madad karta hei.

Janiye Potassium ki kami ki alamat

Jab hamare jism mein Potassium ka tanasub kam ho jaye to iski alamat mein jismani thakan, Pattho ki kamzori, hadiyo mein Calcium ki kami, Gurdo mein pathri, Pait mein sozish, ishaal ke khaatme mein taakheer aur Qabz ki shikayat shamil hein. Iske ilawa matli ki kaifiyat mehsoos hone lagti hai. Paseena ziyada aane lagta hei. In sab mein se koi aik alamat zahir ho sakti hei.

Jism mein Potassium ki kami se kya hota hei?

Jab jism mein is maadni juz ki kami ho jaye, to is se mundarja zail shikayaat paida ho sakti hein.

1- Jismani kamzori aur thakawat

Potassium ki badolat patthe apne munasib size mein rehte hein. Kami ki soorat mein pattho ki contraction mutasir hoti hei jo dard ka bayis banti hei.

 

Pattho ke andar aik khas qism ke khulye hote hein jo Dimagh ko signals send karte rehte hein. Potassium ke baghair yeh khulye sahi tareeqe se kaam nahi kar sakte. Jabke khurak se ghizayiat hasil karne ki salahiyat bhi kam ho jati hei. Jis se jism mein kamzori aur musalsal thakawat mehsoos hone lagti hei.

 

Agar aap poori neend lete hein aur phir bhi ziyada kaam kiye baghair thakawat mehsoos hoti hei, aur aksar barqarar rehti hei to iski bunyadi waja Potassium ki kami ho sakti hei.

2- High blood pressure ka masla

Potassium ke kam ho jaane se jism mein Sodium ki miqdar mein izafa ho jata hei. Aur khoon ki naaliyo par dabao badh jata hei. Jis se High blood pressure mein izafa ho jaata hei. Jiska dil par bura asar padta hei jo ke amraz-e-qalb ki waja bhi ban sakta hei.

 

Lehaza jab bhi aisi soorate haal ho jaye, to junk food aur dabba band ashiya se hamehsa parhaiz kejiye. Kyun ke in mein Sodium ki kaafi ziyada miqdar payi jaati hei.

Yeh bhi padhiye: Pregnancy me Anjeer khane ke fayde

3- Dil ki dhadkan mein adam tawazan

Potassium khoon ki sharyaano ko sahi tareeqe se kaam karne mein madad karta hei. Iski miqdar mein kami se dauran-e-khoon mutasir hota hei. Jabke yeh hamare dil ki dhadkan ko mutwazan rakhne mein bhi madad karta hei. Iski kami se dil ki dhadkan mein hone wali kami maut ka bayis bhi ban sakti hei.

 

Aksar logo mein kabhi kabhi dil ki dhadkan achanak taiz ya ahista ho jati hei. Agar chay is ka taaluq anxiety aur zehni dabao se hota hei. Lekin iski kuch aur wujuhaat bhi hoti hein. Jin mein se aik ehem waja Potassium ki kami bhi hei.

4- Zehni sehat ki kharabi

Potassium aik aisa madni juz hei jo jism ki naqlo harkat se mutalliqa signals dimagh ko muntaqil karta hei. Jab Potassium ki miqdar mein kami ho jati hei to yeh signals Dimagh tak nahi pohanch paate. Aur dimaghi tanao paida ho jata hei. Is dimaghi tanao ka direct asar hamari zehni sehat par padta hei. Aik research ke mutabiq Depression ke ziyada tar mareezo mein paotassium ki satah kam note ki gai hei.

5- Nizam-e-inhizam mein kharabi

Potassium haazme keliye bohat mufeed hei. Kyun ke yeh nizam-e-inhizam mein maujood khulyo ko dimagh ko signals send karne mein madad karta hei.

 

Potassium ke kam ho jaane se in signals mein bhi kami ho jati hei. Aur yun khurak hazam karne ke amal mein susti aa jati hei. Jis se pait aur Aanto ke pattho ka kaam mutasir hota hei. Aur haazma theek se kaam nahi kar pata. Jabke metabolism bhi kharab ho jata hei. Is waja se Qabz, Tezabiyat aur pait dard jese masayil paida ho jaate hein.

6- Hadiyo ke masayil

Potassium ki kami ki waja se hadiyo mein bhi dard mehsoos hone lagta hei. Yeh madni juz hadiyo ke darmiyan Uric acid jama hone se rokta hei. Jo ke Ganthia aur Osteoporosis ki waja hota hei.

7- Paresthesia

Is chemical ki kami jism mein larzish ka sabab bhi ban sakti hei. Is kefiyat ko Paresthesia kaha jata hei. Yeh shikayat hatho, baazuo aur pairo mein paida ho sakti hei.

 

Janiye Alsi ke fayde aur istemal karne ka tarika

8- Insulin ki miqdar mein kami

Aik research ke mutabiq Potassium ki kami se Insulin ki pedawar mein kami aa jati hei. Jiski waja se jism mein Sugar ki miqdar badhne lagti hei.

9- Saans ki tangi

Yeh chemical hamare Lungs ko phoolne aur sukadne ke signals send karne mein bhi madad karta hei. Lehaza iski kami se yeh signals bhi kamzor pad jate hein. Aur yun Lungs ke phoolne aur sukadne ka amal mutasir hota hei. Jis se saans lene mein mushkil hoti hei. Jabke saansein choti bhi ho sakti hein.

10- Mood ki tabdeeli

Is maadni juz ki kami mood ko tabdeel kar sakti hei. Jab bacho ka mood kharab ho to iski waja un mein Potassium ki kami bhi ho sakti hei.

Yeh thay woh sab masayil jo Potassium ke kam hone se hote hain. Lekin yeh bhi yaad rakhiye ke agar khoon mein Potassium ki miqdar bohat ziyada kam ho jaye to yeh medical emergency kehlati hei.

 

Is soorat mein heart attack ka bohat ziyada imkan hota hei. Iske ilawa Hypokalemia ka khatra bhi badh jaata hei. Lehaza agar aap sehatmand rehna chahte hein, to apni khurak mein Potassium ko bilkul bhi kam hone mat dejiye.

Potassium yomia kitni miqdar mein lena zaroori hei?

Zail mein har umar ke logo keliye Potassium ki yomia miqdar darj ki gai hei.

6 months tak ke bacho keliye           400 mg
7 se 12 months tak ke bacho keliye       860 mg
1 se 3 saal tak ke bacho keliye         2000 mg
4 se 8 saal tak ke bacho keliye         2300 mg
9 se 13 saal tak ke ladko keliye        2500 mg
9 se 13 saal tak ki ladkiyo keliye      2300 mg
14 se 18 saal tak ke ladko keliye      3000 mg
14 se 18 saal tak ki ladkiyo keliye    2300 mg
19 baras aur us se ziyada umar ke mardo keliye       3400 mg
19 baras aur us se ziyada umar ki khwateen keliye        2600 mg
Jabke pregnant khwateen keliye iski zaroorat        2600 se 2900 mg tak hoti hei.

Potassium se bharpoor ghizayen, yeh kin kin cheezon mein hota hai?

Ab baat karte hein un ghizao ki jin mein yeh wafir miqdar mein paya jaata hei. Hamare jism ko phalo aur sabziyo se Potassium hasil hota hei. Khas taur par Kela, Chuqandar ke pattay, Aalu, Shakar Qandi, Sangtra, Akhrot, Tamatar, Saag, Dahi, Doodh, Gosht (khasoosan Salmon fish) mein yeh wafir miqdar mein paaya jaata hei. Lehaza in ghizao ka istemal apna mamool bana lejiye.

Hamein umeed hei ke is mazmoon 'Potassium ki kami se kya hota hai' se aapko mufeed maloomat hasil hui hongi.

 

Achi Neend Lene Ka Fun ya Behtreen Tarika Janiye in Hindi Urdu

Achi Neend Lene Ka Fun ya Behtreen Tarika Janiye in Hindi Urdu

Health Tips Learn Roman Hindi/Urdu

Achi neend ALLAH taala ki bohat bari nemat hei. Iski kami se Dimagh susti ka shikar ho jaata hei aur kaam karne ki salahiyat mutasir hoti hei.

Agar neend ki kami musalsal jaari rahe to insan bohat saare jismani aur Zehni masayil ka shikar ho sakta hei. Jabke raat ki mukammal neend lene se Jism aur Dimagh ko sakoon milta hei. Aur insan roz marah ke kaam karne ke qabil ho jaata hei.

Gehri Neend aankho ki thakawat door kar ke unko tar o taza rakhti hei. Neend puri na hone se aankho ko bohat nuqsan hota hei. Raat ko jaldi sona aur Subha sawere uthna, insan ko tandrust banaye rakhta hei.

Raat bhar ki puri Neend aur mukammal aaram ki is tadbeer se Dimagh aur Aasaab ko woh taaqat muyassar aati hei. Jo phir se din bhar ke masayil, mushkilaat aur takleef deh haalaat se muqabla karne ki salahiyat peda kar deti hei. Lehaza har insan ko is sunehre asool "Jald sona aur Subha sawere uthna" ko apnana chahiye.

Achi neend lene ke liye kya kiya jaye

Aksar logon ko mukhtalif wajuhaat ki bina par Neend nahi aati. Isliye zaroori hei ke un asbaab ka pata lagwa kar unko door kiya jaye. Jinse Neend mein khalal peda hota hei. Maslan tafikraat aur gham o ghussa se chunke Dimagh mein khoon munjamid ho jaata hei. Isliye in kefiyaat mein Neend be intaha mutasir hoti hei.

Parhiye Balo Ko Sidha Karne Ke Tarike

Lehaza iska khayal rakhna chahiye ke sote waqt Dimagh tamam qism ki uljhano se aazad ho. Iski tadbeer yeh hei ke sote waqt aaram deh bister par haath pair phela kar khaali zehen ke saath letaa jaye. Is surat mein meethi aur gehri Neend haasil ho sake gi.

Iske ilawa yeh bhi khayal rakhiye ke roshni ki koi kiran sone waale ki aankho par na pare. Warna khoon ka bahao Dimagh ki taraf barh jaye ga. Aur aasabi nizam mein harkat peda ho jaye gi. Jis se neend khasi mutasir ho jaye gi.

Achi Neend Lene Ka Fun The Art of Sleeping

Apni be aitdaliyon ki waja se insan ne neend jesi nemat ko apne liye museebat bana rakha hei. Dr. Hamza Al Hamzawi ne apne lecture The Art of Sleeping, yani neend lene ka Fun mein achi neend lene ke liye apni research ke mutabiq kuch tarike bataye hein. Jinke mutabiq:

Isha ke baad raat 9 se 12 baje tak sona: In auqaat ke doraan sona sab se ziyada fayda mand hei. Aik insan apni neend ka 80% hissa in auqaat mein pura kar sakta hei. Kiunke in auqaat mein neend ke liye barkat hei, so is waqt ki neend ka matlab: Aik Hour ki neend = Teen hour ki neend.

Is waqt ke doran Dimagh ka Gland aik harmon peda karta hei. Jo hamein achi neend lene mein madad deta hei. Yeh sirf usi soorat mein peda hota hei agar:

1. Sone ke doran kamre mein andhera ho. 

2. Agar neend nahi aa rahi tab bhi insan sakoon se lait jaye.

Dengue Bukhar ki Alamat aur Ilaj

Raat 12 baje se 2 baje tak sona:  In auqaat ke doraan sone se insan ki 20% gehri neend puri ho jaati hei. Iske baad ka sona achi neend ke liye fayda mand nahi. Kiunke insan apni 100% neend puri kar chuka hota hei. In auqaat mein sone ka matlab:  1 Hour ki neend = 1 Hour ki neend

2 baje se 5 baje tak yani Fajar se pehle ke auqaat: Yeh waqt kuch yaad karne ke liye behtreen hei. ALLAH ko yaad karne ke liye, Zikar aur Astaghfaar karne ke liye, yaa zehni irtakaz aur Muraqba karne ke liye.

Fajar ki namaz se Suraj nikalne tak sona:  In auqaat mein Dimagh aik doosra harmon khaarij karta hei. Yeh Harmon in auqaat mein sirf isi soorat mein khaarij hota hei jab:

1. Insan jaag raha ho.  
2. Roshni ke saath halki phulki warzish bhi ho.

Yeh waqt hei Zikar o Azkaar ka, ghor o fikar karne aur din ko hone waale kaamon ki mansooba bandi karne ka.

Din ko sona (Fajar ke baad): Yeh bilkul bhi fayda mand nahi.  In auqat mein sone ka matlab: Teen Hour ki neend = Aik Hour ki Neend

Is waqt sone mein koi barkat nahi. Balke yeh saara din kaahili, susti aur tawajja mein kami ka bayis banta hei.

Achi neend ke liye kuch mazeed info

Insani Dimagh mein Harmons ka khaarij hona 40 saal ki umar ke baad kam hota jaata hei. Aur 50 saal ki umar mein yeh ikhraaj ruk jaata hei. Is waqt insan ka jism us harmon ko hi use karta hei. Jo guzishta saalon mein jism main jama hua tha.

Ab agar koi insan Alzhimer aur Schizophrenia jaise Dimaghi amraaz ka shikaar hota hei. To iska matlab yeh hei ke woh zindagi bhar der se soya karta tha.

Agar aap Dr. Hamza ke bataye hue is tarike se achi neend haasil karne ki aadat daal lein. To aapko kabhi bhi neend ki kami ka saamna nahi karna pare ga.

حجامہ کیا ہے، فوائد, سنت طریقہ اور احتیاطی تدابیر

حجامہ کیا ہے، فوائد, سنت طریقہ اور احتیاطی تدابیر

Health Tips Learn Urdu

حجامہ کیا ہے

سب سے پہلے جانتے ہیں کہ حجامہ کیا ہے۔ انسانی جسم کی صحت کا دارومدار صاف خون پر ہے۔ اگر خون فاسد ہوتو انسان بہت سی پیچیدہ بیماریوں میں مبتلا ہو جاتا ہے۔ حجامہ ایک ایسا طریقہء علاج ہے کہ جس میں جسم  کے مخصوص مقامات پرایک خاص طریقے سے خفیف سے کٹ لگا کر فاسد خون خارج کیا جاتا ہے۔

یہ طریقہءعلاج صدیوں سے رائج ہے۔ اور اس کی سب سے زیادہ اہمیت اس وجہ سے ہے کہ یہ مسنون ہے۔ حجامہ ایک مکمل طریقہ ء علاج ہے۔ جن لوگوں کو کہیں سے بھی شفا نہیں ملتی وہ حجامہ کے معجزاتی اثرات سے شفایاب ہو رہے ہیں۔

ہمارے پیارے رسول صلی اللہ علیہ وسلم کا فرمان ہے۔ بہترین علاج جسے تم کرتے ہو حجامہ لگوانا ہے۔ (صحیح بخاری ۱۷۳۵)

آپ صلی اللہ علیہ وسلم خود بھی حجامہ لگوایا کرتے تھے۔ معراج کے موقع پر ملائکہ نے آپ صلی اللہ علیہ وسلم سے عرض کی کہ اپنی امت سے کہیں کہ وہ حجامہ لگوائیں۔ صحیح بخاری میں حجامہ پر پانچ ابواب موجود ہیں۔

عرب ممالک کے علاوہ جنوب مشرقی ایشیا کے ملکوں میں بھی یہ طریقہ علاج رائج ہے۔ جبکہ چین کا تو یہ قومی علاج ہے۔ یہ گرم اور سرد دونوں علاقوں میں مستعمل ہے۔ مغربی یونیورسٹیوں میں جو طلبہ متبادل میڈیسن پڑھتے ہیں ان کو حجامہ پڑھایا اور سکھایا جاتا ہے۔

یہاں جانئے ڈینگی بخار کے بارےمیں

یورپ کی یونیورسٹیوں میں ابن سینا کی حجامہ پر لکھی کتابیں پڑھائی جاتی رہی ہیں۔ مسلسل تحقیقات کے بعد امریکہ سمیت تمام مغربی دنیا نے بھی حجامہ کی افادیت تسلیم کر لی ہے۔ 

مغربی ماہرین کی مسلسل تحقیق کی وجہ سے اب حجامہ میں بہت سی نئی تکنیک متعارف کرا دی گئی ہیں۔ انسانی جسم میں تقریبا ایک سو تینتالیس ایسے مقامات کا انتخاب کر کے ایک نقشہ مرتب کیا گیا ہے جہاں پر حجامہ لگوایا جا سکتا ہے۔

وہ اصول جن کے مطابق حجامہ کیا جاتا ہے۔

عام طور پر حجامہ ان مقامات پر کیا جاتا ہے جہاں بیماری ہے۔ مثلا اگر کسی کو معدے کی بیماری ہے تو معدہ کے اوپر حجامہ کیا جاتا ہے اور اگر کسی کو جگر کے مسائل ہیں تو سینے پر دائیں طرف جگر کے اوپر کیا جاتا ہے۔

اگر کسی کو سر میں تکلیف ہوتی تھی تو آپ صلی اللہ علیہ وسلم سر کا حجامہ کرنے کی ہدایت فرماتے تھے۔ کئی امراض میں اضافی طور پر گردن کے قریب کندھوں کے درمیان بھی کیا جاتا ہے۔ آپ صلی اللہ علیہ وسلم خود بھی اس مقام پر حجامہ کرواتے تھے۔

حجامہ کتنی دفعہ کرنا چاہیے؟

اگر ایک دفعہ حجامہ کروانے سے مرض ٹھیک نہیں ہوتا تو پھر دو ہفتے یا ایک مہینے کے وقفے سے تین سے سات دفعہ تک کروانا چاہیے۔ یا جیسے طبیب تجویز کرے۔

حجامہ کن کن بیماریوں میں کروایا جا سکتا ہے؟

اللہ تعالی نے حجامہ میں بہت شفا رکھی ہے اور تقریبا سبھی بیماریوں میں حجامہ کروایا جا سکتا ہے۔ خاص طور پر کچھ بیماریوں میں اس کے معجزاتی اثرات سامنے آئے ہیں۔

جیسے شب کوری، نظر کی کمزوری، ڈپریشن، درد شقیقہ، چکر آنا، بلڈ پریشر، درد گردہ، کندھوں کا درد، ٹانگوں کا درد، کمر درد، عرق النساء، دماغی امراض، برص، الرجی، جادو سحر اور بہت سی دوسری بیماریاں۔ اگر جسم میں کہیں بھی درد ہو تو اس مقام پر بھی حجامہ لگوایا جا سکتا ہے۔

حجامہ کا سنت طریقہ

حجامہ کے فوائد

خون کی کمی امراض کو جنم دیتی ہے۔ حجامہ سے جلد کے علاوہ عضلات کو بھی حرکت ملتی ہے۔ جس سے بافتوں میں موجود فاسد خون خارج ہو جاتا ہے۔ یوں دوران خون بہتر ہونے سے ان جگہوں پر بھی خون کی رسائی ہو جاتی ہے جہاں تک پہلے خون نہیں پہنچ رہا تھا۔ حجامہ کے درج ذیل فوائد ہیں۔

جانئے کشمش کے فوائد

خون صاف کرتا ہے جس سے شریانوں پر اچھا اثر پڑتا ہے۔ حرام مغز کو فعال بناتا ہے۔ پٹھوں کے درد اور اکڑاو میں فائدہ پہنچاتا ہے۔ 

انجائنا، دمہ اور پھیپھڑوں کے امراض میں مفید ہے۔ درد شقیقہ، سر درد، دانتوں کے درد اور پھوڑوں کا بہترین علاج ہے۔

ماہواری بند ہونے اور رحم کی بیماریوں کی تکلیف دور کرتا ہے۔ ہائی بلڈ پریشر میں آرام پہنچاتا ہے۔ عرق النساء، گنٹھیا اور نقرس کے دوروں سے نجات دلاتا ہے۔

سینہ کمر اور کندھوں کے درد کے علاوہ جسم میں کہیں بھی درد ہو تو وہاں حجامہ کروانا مفید ہے۔

ان سب کے علاوہ آنکھوں کی بیماریاں، کاہلی، سستی، زیادہ نیند آنا، کیل مہاسے، ناسور، خارش، ذہر خورانی، الرجی، ورم گردہ اور پیپ والے ذخموں کے لیےبھی حجامہ فائدہ مند ہے۔

جبکہ ضروری ہے کہ صحتمند لوگ بھی حجامہ کروایئں کیونکہ نا صرف یہ مسنون ہے بلکہ بیماریوں کو حملہ آور ہونے سے بھی روکتا ہے۔

حجامہ کے لیے احتیاطی تدابیر

حجامہ کروانے کے بعد ایک گھنٹے تک کچھ کھانے پینے سے اجتناب کریں۔

بہت زیادہ دبلے اور کمزور افراد، اسقاط کروانے والی مریضہ، جگر کے شدید امراض میں مبتلا افراد،  گردوں کی صفائی کروانے والے مریض اور وہ امراض جن میں خون نہیں رکتا، ان کے مریض حجامہ نہ کروایئں۔

ضعیف لوگ جو کمزور بھی ہوں اس وقت تک نہ لگوایئں جب تک کہ اشد ضرورت نہ ہو۔ پانی کی کمی کا شکار بچوں کو بھی نہ لگوایئں۔ غسل کے فوری بعد اور قے ہونے کے فوری بعد بھی نہ لگوایئں۔

دل کا والو تبدیل کروانے والے حضرات بھی نہ لگوایئں۔ البتہ کسی ماہر کی نگرانی میں لگوا سکتے ہیں۔ پیروں اور گھٹنوں پر سوجن ہو تو حجامہ اس مقام سے دور ہٹ کر احتیاط سے لگایئں۔

کم فشار خون کے مریضوں کو کمر کے قریب والی ریڑھ کی ہڈیوں کے قریب نہیں لگانا چاہیے۔ اور ایک ہی وقت میں دو سے زیادہ حجامہ نہیں لگانا چاہیے۔

خون کی کمی کے مریض اپنے معالج کے مشورے سے حجامہ لگوایئں۔ حاملہ خواتین کو ابتدائی تین ماہ میں نہیں لگوانا چاہیے۔

نشہ آور ادویات کھانے والے اور خون کو پتلا کرنے والی ادویات کھانے والوں کو بھی نہیں لگوانا چاہیے۔

ذیابیطس کے مریض حجامہ لگوانے سے پہلے اپنی شوگر چیک کروا لیں شوگر تقریبا سو ملی گرام ہونی چاہیے۔

ضروری نوٹ: یہ مضمون، حجامہ کیا ہے اس کے فوائد, سنت طریقہ اور بعد کی احتیاطی تدابیر لکھنے کے لیے جناب ڈاکٹر امجد احسن علی صاحب کی کتاب  الحجامہ حجامہ (پچھنا) علاج بھی سنت بھی، سے مدد لی گئی ہے۔