Sunday, May 20, 2018

Darchini ke Fayde Benefits of Cinnamon

Darchini ke Fayde Ya Dalchini Benefits Janiye Cinnamon in Hindi Urdu
Janiye benefits of Cinnamon, isko Urdu mein Darchini kehte hein jiske fayde is page par beyan kiye gaye hein. Aap isko Daar Cheeni bhi keh sakte hein, jabke kai log isko Dalchini bhi kehte hein.

Yeh darasal aik darakht ki chhaal hoti hei. Isko garam masaleh ke taur par khano ko khush zayqa banane keliye istemal kiya jaata hei. Jabke hakeem hazraat iska istemal dawaiyo mein qadeem daur se karte aa rahe hein.

Yeh aik farhat bakhsh masalah hei. Mizaj ke lehaz Dalchini ki taseer garm aur khushk hoti hei, lekin iske sath Qaabiz bhi hoti hei. Zayqe ke lehaz se meethi aur khushbu dar hoti hei.

Dar chini ke Fayde Ya benefits of Cinnamon in Hindi/Urdu


Darchini cholesterol ko kam karne mein intehayi mosassir hei. Yeh khoon ki naaliyo mein ruki hui nuqsan deh chiknai ko nikal kar bilkul saaf kar deti hei. Jis se nasirf cholesterol normal ho jaata hei balke Diabetes ke marz mein bhi bohat fayda hota hei. Is maqsad keliye aap rozana darchini ke powder ki aadhi chamchi din mein 2 baar paani ke sath le sakte hein.


Darchini Khansi aur Dama ke marz mein bohat mufeed hei. Iske liye iske powder ko brabar miqdar mein Shehed mein mila kar chaata jaye to fayda hota hei. Yeh saddo ko kholti hei aur Gas ke ikhraaj ko aasan banati hei. Bhook ki kami ko door karti hei.

Sardi ke mausam mein jab baar baar Peshab aata ho to aadha chamcha Darchini ka powder doodh ke sath khaya jaye to fayda hota hei. Jabke woh bache jo raat ko aksar peshab kar dete hein, unke liye yeh Totka aazmaiye. Cinnamon yani Darchini ka aik tukra doodh mein daal kar ubaaliye. Ab is tukre ko nikal kar yeh doodh bache ko pila dejiye to bohat afaaqa ho ga.

Agar Nazla ki shikayat ho to chaye banate waqt Darchini ko ubalte hue paani mein daal kar dam dejiye. Ab is chaye ko peene se aaram aa jaye gaa.


Darchini ka tail bhi nikala jaata hei. Iska mizaj bhi Garam aur khushk hota hei. Yeh dil aur dimagh ko farhat deta hei. Nizam e tanaffus ko mutaharrik karta hei. Mayda aur jigar ko taqat deta hai aur balgham ko bhi khaarij karta hei.

Kuch mazeed Darchini (Cinnamon) ke fayde


China ke mahireen ka dawa hei ke Darchini ke powder aur Shehed ki chaye peene waale log kabhi boordhe nahi hote. Iskeliye 1 cup pani mein 1 chamach Shehed aur 2 chutki Darchini ka powder daal kar isko ubaliye. Aur isko chaye ki tarah pejiye. Is chaye ke rozana istemal se jild ke cells jawan rehte hein aur jild mein dheela pan nahi aata. Umar barhne ke bawajood jawano jesi quwat qayim rehti hei.


Darchini ke tail ko Nafs par bator Tilla istemal kiya jaye to yeh nafs ko taqat deta hei.

Gurdo ke dard ya Rehem ke dard ki soorat mein Cinnamon ke tail ke chand qatre doodh mein mila kar peene se aaram milta hei. Jabke dard ke maqam par iski maalish karna bhi mufeed hei.

Zehreele hashraat ke kaatne ki soorat mein Darchini ko pani mein pees kar kaatne waali jagha par laip kejiye. Bohat aaram mile ga.


Nassyan yani bhoolne ke marz mein Darchini ka powder 2 maasha neem garam doodh mein milaiye. Subha aur sham 2 time isko dawa ke taur par pejiye. Is se na sirf Nassyan door ho ga balke mardana taqat mein bhi izafa ho ga.

Darchini ke Fayde ya Cinnamon benefits ko dekhte hue ham logo ko iska regular istemal karna chahiye.

Darchini ke Fayde Ya Dalchini Benefits Janiye Cinnamon in Hindi Urdu

Related Posts